IMAMAT 24:14 - KITAB NU TUMPU ALLA LELE MA'IMAI'

¹⁴ “Boa na mian atina' i sambiha' nu kemah. Batu-batu mian anu nohongomo ia nontotobi'akon tionyo ahi' mompotudun limanyo i ubak nu mian aijo' da ponsumbu'an taalu' ia sinala'mo. Lantas iwi-iwi' na mian tionyo ahi' mompahambunu'akon ia nu batu sampe mate.

IMAMAT 24:14 ပူးပေါင်းရင်းမြစ်များ

1 TOMU-TOMUNDO' 21:10

Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

IMAMAT 13:46

De daagi' ia ko panyakit aijo' ia mahumimi' ka' tionyo ahi' jojoong i sambiha' nu kemah matikojo'on hi mian sangga'at.

IMAMAT 20:2

da mompoto'i han aiya hi aha bansa Israel, “Toto samian anu atina' hi belemiu kabai mian anu lengkat mae i salipu'an anu jojoongmo tataap atina' hi belemiu, anu mongkolobanakon anaknyo hi Molokh, tionyo ahi' opahambunu'akon nu batu, nu mian da'isan sampe mate.

IMAMAT 20:27

Toto samian na mo'ane kabai boune anu montunde' santuu' nu mian anu sinilakamo opahambunu'akon nu batu sampe mate. Mian aijo' nate kalana posi kasala'annyo.”

IMAMAT 24:13

Tumpu notataemo hi Musa,

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.

PO'ULE' INGULIT 17:5

mian anu sinala'mo aijo' tionyo ahi' oboamo i sambiha' nu kota ka' opahambunu'akon nu batu sampe mate.

PO'ULE' INGULIT 17:7

To saki-sakisi na tionyo ahi' mompahambunu'akon nu batu momona hi mian aijo' lapas aijo' hingga-hinggatje tiba mian da'isan. Sumo aijo' na belemiu montewa' da bolimo saja' mobau anu ma'idek aijo'.

PO'ULE' INGULIT 21:21

Lantas to momo'ane nu kota aijo' tionyo ahi' mompahambunu'akon anak aijo' nu batu sampe mate. Sumo aijo' na belemiu mombau da bolimo ko anu ma'idek sumo aijo'. Iwi-iwi' na aha mian nu Israel aijo' mohongo apaa na anu binaumo aijo' sahingga mabuhukmo.”

PO'ULE' INGULIT 22:21

jadi boune aijo' tionyo ahi' oboa i sabatan nu laigan nu tu'anyonyo. I tampat aijo' to momo'ane i kota aijo' tionyo ahi' mompahambunu'akon ia nu batu sampe mate. Boune aijo' nombaumo han anu moko ambang bansanto kalana noduhusmo tiba mo'ane sangga'at ma'isa pe'e no'osoa tempo'nyo ia daagi' jinojoong i laigan nu tuumanyo. Tiba jalan anu sumo aijo' belemiu nombaumo sonto' da bolimo ko anu mombau anu ma'idek susumo aijo'.

YOSUA 7:25

Lantas notataemo na i Yosua hi Akhan, “Kadaka' beleyum nompotokamo mae kasusa'an hi kita? Uuka aiya Tumpu mompotokamo mae kasusa'an hi beleyum!” Sahingga i Akhan tiba aha sangauwan pinahambunu'akonmo nu batu sampe i nate, nu aha iwi-iwi' mian nu Israel. Iwi-iwi' na halata'nyo ka' to bala-balang anu tinomangnyo pinaha papuanmo ingko-ingkot.