IMAMAT 23:40 - KITAB NU TUMPU ALLA LELE MA'IMAI'

⁴⁰ Sinaa momonanyo belemiu tionyo ahi' mongalamo to bua-bua' nu kau' anu talalo hondo ma'ima' i ale' nu belemiu, ka' suele to hohon nu palma ka' to panga-panga' nu kau' anu hoopo', lantas otampu'unimo na molameanakon salaku kabilahian bau pongadati Tumpu Allah nu belemiu.

IMAMAT 23:40 ပူးပေါင်းရင်းမြစ်များ

MAZMUR 137:2

I kau' gandarusa anu i lipu' aijo' opokalayo'mo mami na kasapi' mami.

MAZMUR 92:12

Aku nontoamo anu nompobali' mae nahungku'mo, to mia-mian anu tinontinjomo nongewa mae aku, iwi-iwi' na tanga'an nu aha anu ma'idek i hongongkumo.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 44:4

Aha molumba'mo na tumuu' susumo hemput anu tumuu' koko uee, susumo kau' gandarusa isonibi nu kaunyo.

YESAYA 66:10

Balame-lame'mo tiba Yerusalem, o mian iwi-iwi' anu mongka'milui ia. Komiu anu sinusa'mo kalana ia, uuka aiya timbalimo balame-lame'.

IMAMAT 23:39

De noko padakmo, otampu'uni i tanggan sampulu' ka' olima' bitu'on ko popitu'nyo, komiu tionyo ahi' molameanmo kopinnyo pitun sinaa. Sinaa momonanyo ka' ko ialunnyo atina'mo na sinaa anu samata-mata bau pilawean.

IMAMAT 23:41

Lamean aijo' tionyo ahi' obau nu belemiu kopinnyo pitun sinaa. Atulan aijo' tionyo ahi' obau nu lee' nu belemiu sampe toka sidu-sidutu'.

MATIUS 21:8

Da'isan na mian kiijo' mae nontalabakon to juba-juba' nu aha i jalan, ka' to mia-mian sangga'at nonsolui to panga-panga' ise' nu kau', ka' pinolatas i totonga' nu jalan.

YOHANES 12:13

Aha nongala te hoon nu palem ka' namba nolabot Ia, baloo nontaligalai, “Puji'mo na Tumpu! Balakatiakon na ia anu toka momboa sanggo nu Tumpu. Balakatiakon na Tomundo' nu Israel!”

YOHANES 16:22

Sumo aitu mule' na komiu: Uuka komiu susa' na kinyonyoa, panyo Aku singkabotje mule' tiba komiu, sahingga kinyonyoaum po'ule'je lame'; ka' madi' ko samian pe'e na moko ala kalame'an aijo' i kinyonyoaum.

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

ANU PINOTO'I HI YOHANES 7:9

Lapas aijo' aku nontoa mule', ka' nondin mian manjoo' hondo – madi' ko samian pe'e na moko ala molekeng konjoo'nyo. Aha to mia-mian anu lengkat mae i toto sa'angu' na bansa, tulunan, negara, ka' basa'. Aha nompusok juba' anu to pute-pute' ka' i lima nu aha paha-paha totoong na to panga-panga' nu kau' palem, mian da'isan haha aijo' tinuminjoo' nongahopi suhangan aijo', ka' mo'ahop hi Anak nu Domba aijo'.