IMAMAT 23:4 - KITAB NU TUMPU ALLA LELE MA'IMAI'

⁴ Aiyamo na sinaa anu olame'akon anu pinotataapmo nu Tumpu ka' tionyo ahi' obebakon i tempo'nyo anu tinantukanmo.

IMAMAT 23:4 ပူးပေါင်းရင်းမြစ်များ

NEHEMIA 8:15

Kalana aitu songko-songko na Yerusalem, i to kota-kota' ka' i kampung toto ise-ise', binebakonmo nu aha na palentah aiya, “Lako'mo mamba i bungkutnyo ka' ala mae na to panga-panga' nu kau' lontio', zaitun, kau' lanya', palma, ka' to kau-kau' sangga'at da bau tahop susumo koonyo nu atulan anu daagi' i uno nu Kitab nu Atulan.”

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 23:14

“Sataun toka sataun belemiu tionyo ahi' mombau totolu' na lamean bau pongadati Aku.

YESAYA 29:1

Silakamo na kota' Yerusalem anu osa-osanggohi mezbah nu Tumpu! Silakamo na kota' tampat i Daud nombau kemah! Bakas na taun mobolo-bolos lelewa' aha mombau lamean.

YEHEZKIEL 44:24

De daagi' ko palakala mompahasala'mo i atulan, tionyo ahi' nu ulus nu aha susumo koonyo nu atulan-Ku ka' mule' mongadati ahi' sinaa nu Sabat salaku sinaa anu samata-mata baumo ponsomban Aku.

IMAMAT 23:2

mosia na atulannyo molame'akon agama, anu tionyo obebakon salaku sinaa anu Olame'akon monsombah Tumpu.

IMAMAT 23:21

Toka i sinaa aijo' belemiu tionyo ahi' sihukmo da monsombahmo Tumpu ka' madi'mo timbali mombau kalaja anu maboat. Atulan aijo' tionyo ahi' otuluti nu lee' nu belemiu sampe toka sidu-sidutu', maumo pa' iya mae na kajojoongan nu aha.

IMAMAT 23:37

Aijo'mo na sinaa molameanakon agama anu tinantukanmo nu Tumpu ka' anu tionyo ahi' obebakon nu belemiu. I sinaa molameanakon lamean aijo', belemiu tionyo ahi' mongadati Tumpu ka' sihukmo da monsombahmo ka' monsombahkonmo koloban kaanon, koloban anu opotunu, koloban anu obee' hi Tumpu, koloban binatang ka' koloban anggur konjoo'nyo sainsampa' anu opalalui sansina-sinaa.

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.