IMAMAT 23:38 - KITAB NU TUMPU ALLA LELE MA'IMAI'

³⁸ Lamean haha aijo' salaku bau pontuangi sinaa nu Sabat anu bia-biasamo, jadi palasombahan haha aijo' suele mompaka tuangi anu bia-biasamo saja' obee' nu belemiu, i koloban nu belemiu pontobus anu jinanji'mo, kabai koloban kalana kasanangan nu kinyonyoa anu binee'mo nu belemiu hi Tumpu.

IMAMAT 23:38 ပူးပေါင်းရင်းမြစ်များ

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

MAZMUR 56:13

Aku mombaumo apaa na anu jinanji'kumo hi Belento o, Tumpu ka' monsombahkonmo koloban bau pontalima kaseh hi Belento.

MAZMUR 76:12

Ganapimo na anu jinanji'mo hi beleyum hi Tumpu nu beleyum. Tionyo ahi' iwi-iwi' na bansa anu ohani na kajojoongannyo momboamo palasombahannyo hi Tumpu anu okabuhuk.

YEHEZKIEL 46:12

De anu balakuasa kahanda' mombee' palasombahan kasanangan nu kinyonyoa hi Tumpu maumo salaku koloban anu opotunu kabai koloban paladamean, saba' sabatan daka' sasu kabete'an anu bau kalambanan mokiijo' ipopasan anu i unonyo tionyo ahi' otuhea'akonmo da pinsoopannyo mae. Ia tionyo ahi' monsombahkon koloban susumo anu binaunyomo i sinaa nu Sabat panyo salatan minsusule'mo na ia, sabatan daka' aijo' sampamo ahi' otumban.”

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

IMAMAT 23:37

Aijo'mo na sinaa molameanakon agama anu tinantukanmo nu Tumpu ka' anu tionyo ahi' obebakon nu belemiu. I sinaa molameanakon lamean aijo', belemiu tionyo ahi' mongadati Tumpu ka' sihukmo da monsombahmo ka' monsombahkonmo koloban kaanon, koloban anu opotunu, koloban anu obee' hi Tumpu, koloban binatang ka' koloban anggur konjoo'nyo sainsampa' anu opalalui sansina-sinaa.

IMAMAT 23:39

De noko padakmo, otampu'uni i tanggan sampulu' ka' olima' bitu'on ko popitu'nyo, komiu tionyo ahi' molameanmo kopinnyo pitun sinaa. Sinaa momonanyo ka' ko ialunnyo atina'mo na sinaa anu samata-mata bau pilawean.

NOMBILANGMO 29:39

Aijo'mo na to atu-atulan nu koloban anu opotunu, koloban kaanon, koloban anggur, tiba koloban pompodame anu tionyo ahi' osombahkon nu belemiu hi Tumpu iuno nu lamean nu belemiu haha aijo' anu tinantukanmo. Koloban haha aijo' salaku bau pontuangi iwi-iwi' na koloban anu osombahkon nu belemiu bau pombayali apaa na anu jinanji'mo kabai koloban kasanangan nu kinyonyoa.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.