IMAMAT 23:29 - KITAB NU TUMPU ALLA LELE MA'IMAI'

²⁹ De ihe na mongkaan apa-apaa i sinaa aijo' madi'mo daagi' oposoop mian anu pinalesayamo hi Tumpu Allah.

IMAMAT 23:29 ပူးပေါင်းရင်းမြစ်များ

KAJADIAN 17:14

Batu-batu mo'ane anu madi' o sunat, madi'mo oposoop mian anu pinalesayamo hi beleng-Ku, kalana ia madi' montoongi palajanjian aijo'.”

EZRA 8:21

Lantas i sohipi' nu Kaunyo Ahawa aijo' pinoto'ingkumo tukoongku iwi-iwi' tionyo ahi' bapuasa' ka' mangaku kasala'an hi Tumpu Allah. Kami binalado'amo da kami nujagai nu Tumpu hau-haunyo lumajang aijo', ka' montoa mae kami, to ana-anak mami ka' apa-apaa na anu mami.

NOSABATMO 30:33

Mian anu mombau lanya' susumo aijo' kabai anu mompake misa' imam, madi'mo timbali minsoop mian anu pinalesayamo hi beleng-Ku.”

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEHEZKIEL 7:16

Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

IMAMAT 13:46

De daagi' ia ko panyakit aijo' ia mahumimi' ka' tionyo ahi' jojoong i sambiha' nu kemah matikojo'on hi mian sangga'at.

IMAMAT 23:30

Ka' ihe na mombau pakalajaan i sinaa aijo', nu hukumo nu Tumpu nu hukuman mate.

IMAMAT 23:32

Salatan sinaa makakinsapmo i tanggan osio' i bitu'on aijo', sampe toka sinaa makakinsapmo i tanggan sampulu' tionyo ahi' belemiu molame'akonmo susumo sinaa nu Sabat, sinaa anu samata-mata bau pilawean. Belemiu tionyo ahi' puasa' i sinaa aijo'.

IMAMAT 7:20

De mian mongkaan antoknyo aijo' hau-haunyo ia mahumimi' ia madi'mo oposoop mian anu pinalesayamo hi Tumpu Allah.

IMAMAT 7:21

De ko mian mongkaan antoknyo nu koloban aijo' padahan ia nongkanyangmo anu mahumimi', mau anu lengkat hi manusia mau pe'e lengkat i binatang, ia suele madi'mo oposoop mian anu pinalesayamo hi Tumpu Allah.

NOMBILANGMO 5:2

“Bee' na palentah aiya hi aha mian Israel: Iwi-iwi' na mian anu kinonamo nu panyakit kilit anu monsilakai, kabai panyakit anu nongkonamo ka'ambangan, kabai anu nonsala' kanyangmo mian anu sinilakamo, tionyo ahi' osabatakonmo i kemah nu aha mian Israel.

SISIKON NU TO RASUL-RASUL 3:23

Mian anu madi' mompalahatikan apaa na anu nutaloakon nu nabi aijo', mian aijo' osabatakon lengkat hi mian anu palesayamo hi Tumpu ka' o silakai.’