IMAMAT 23:21 - KITAB NU TUMPU ALLA LELE MA'IMAI'

²¹ Toka i sinaa aijo' belemiu tionyo ahi' sihukmo da monsombahmo Tumpu ka' madi'mo timbali mombau kalaja anu maboat. Atulan aijo' tionyo ahi' otuluti nu lee' nu belemiu sampe toka sidu-sidutu', maumo pa' iya mae na kajojoongan nu aha.

IMAMAT 23:21 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

IMAMAT 23:14

Ma'isa pe'e momboa anu osombahkon aijo' hi Tumpu, belemiu madi' timbali mongkaan mau ola sangkiding na gandum anu bu'ou aijo', mau daagi' mata, pinanggang kabai tinunu binau roti. Atulan aijo' tionyo ahi' otuluti nu lee' nu belemiu iwi-iwi' sampe toka sidu-sidutu'.

IMAMAT 23:2

mosia na atulannyo molame'akon agama, anu tionyo obebakon salaku sinaa anu Olame'akon monsombah Tumpu.

IMAMAT 23:20

Roti ka' ohua' na anak nu domba aijo' tionyo ahi' osombahkon nu imam salaku palasombahan anu obee' hi Tumpu, ka' aijo' baumo bagi' nu imam. Palasombahan haha aijo' susi'.

IMAMAT 23:25

Osombahkon na koloban kaanon hi Tumpu ka' madi'mo timbali mombau kalaja anu maboat i sinaa aijo'.

IMAMAT 23:31

Atulan aijo' opokona hi iwi-iwi' lee' nu belemiu maumo pa' iya mae na kajojoongan nu aha.

IMAMAT 23:4

Aiyamo na sinaa anu olame'akon anu pinotataapmo nu Tumpu ka' tionyo ahi' obebakon i tempo'nyo anu tinantukanmo.

IMAMAT 23:7

Pitun sinaa na kopinnyo belemiu tionyo ahi' monsombahkon koloban kaanon hi Tumpu. I sinaa momonanyo ka' ko ipitunnyomo na molame'akon aijo' belemiu tionyo ahi' sihukmo da monsombahmo ka' madi'mo timbali mombau kalaja anu maboat.

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

NOMBILANGMO 18:23

Otampu'uni uuka aiya ola aha mian nu Lewi na timbali mongkalesang Kemah-Ku ka' anu montanggungi hondo pakalaja'an aijo'. Atulan aijo' opake suele hi lee' nu belemiu sampe toka sidu-sidutu'. Aha mian nu Lewi madi' ko pombagian apa-apaa i Israel,

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.