IMAMAT 23:14 - KITAB NU TUMPU ALLA LELE MA'IMAI'

¹⁴ Ma'isa pe'e momboa anu osombahkon aijo' hi Tumpu, belemiu madi' timbali mongkaan mau ola sangkiding na gandum anu bu'ou aijo', mau daagi' mata, pinanggang kabai tinunu binau roti. Atulan aijo' tionyo ahi' otuluti nu lee' nu belemiu iwi-iwi' sampe toka sidu-sidutu'.

IMAMAT 23:14 ပူးပေါင်းရင်းမြစ်များ

NEHEMIA 9:14

Sinaa nu Sabat anu susi' tionyo ahi' nu lame'akon nu aha, ka' atulan nu Belento binee'mo nu Belento hi Musa lantas iaje na nompoto'i hi kami.

MAZMUR 19:8

Atulan nu Tumpu aijo' sinukupmo hondo, mompokopiani santuu'. Palentah nu Tumpu timbali opalesaya, mombee'i kapandean bapikin hi mian anu madi' talalo pande.

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

NOSABATMO 34:26

Sataun toka sataun belemiu tionyo ahi' momboa i Laigan nu Tumpu Allah nu belemiu bua'nyo momona anu sinu'an i tano' nu belemiu. Antoknyo nu anak nu domba kabai anak nu mee' madi' timbali o unjang tiba juu' nu susu nu tinanyo.”

IMAMAT 10:11

Iwi-iwi' na atulan anu Ku bee' hi belemiu anu nupotoka i Musa, tionyo ahi' belemiu moko ala mongajanakon hi bansa Israel.”

IMAMAT 2:14

De belemiu monsombahkonmo hi Tumpu gandum anu momona pinadak miu, boa na gandum anu bu'ou anu inguja'mo binau labu kabai anu pinanggangmo.

IMAMAT 23:31

Atulan aijo' opokona hi iwi-iwi' lee' nu belemiu maumo pa' iya mae na kajojoongan nu aha.

IMAMAT 23:41

Lamean aijo' tionyo ahi' obau nu belemiu kopinnyo pitun sinaa. Atulan aijo' tionyo ahi' obau nu lee' nu belemiu sampe toka sidu-sidutu'.

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

PO'ULE' INGULIT 16:12

Otuluti na palentah-Nyo iwi-iwi' ka' opajuli ahi', ka' boli okolilimi na belemiu naipuan mae binotuanan i Mesir.”