IMAMAT 22:3 - KITAB NU TUMPU ALLA LELE MA'IMAI'

³ De samian na lee' nu beleyum anu nahumimi'mo ka' mongohanimo palasombahan anu susi' anu samata-mata nubee' nu bansa Israel hi beleng-Ku, ia madi'mo timbali mombau kalaja apa-apaa i mezbah. Atulan aijo' opake sampe toka sidu-sidutu'. Akumo na Tumpu.

IMAMAT 22:3 ပူးပေါင်းရင်းမြစ်များ

EZRA 8:28

Pinoto'ingkumo hi to ima-imam haha aijo', “Belemiu pinile'anmo da samata-mata mokalaja hi Tumpu Allah, Tumpu Allah anu osombah nu mompolee'to, sumo aitumo mule' na pakakas iwi-iwi' salaka tiba mosoni', anu binee'mo hi Tumpu samata-mata opake bau kapalaluan nu Tumpu.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 51:11

Posiloimo na ohup nu Belento ka bolimo mae montoa iwi-iwi na dosa'ku, ka' sautimo iwi-iwi' na kasala'anku.

NOSABATMO 30:33

Mian anu mombau lanya' susumo aijo' kabai anu mompake misa' imam, madi'mo timbali minsoop mian anu pinalesayamo hi beleng-Ku.”

IMAMAT 22:2

da mompotokakon palentah aiya hi Harun ka' hi to ana-anaknyo, “Obau ahi' susumo anu sapantasnyo apaa na anu nu sombahkon nu aha bansa Israel anu obee' samata-mata hi beleng-Ku, da boli mombusiki sanggong-Ku anu susi'. Akumo na Tumpu.

NOMBILANGMO 19:13

Mian anu monsala' kanyangmo anu sinilakamo ka' madi' momposusi' butongnyo aijo' mahumimi'mo, kalana ia ma'isa dinudu'an nu uee anu momposusi'. Ia mohumimi'imo Kemah nu Tumpu kalana aijo' ia madi'mo daagi' oposoop mian anu pinalesayamo hi Tumpu Allah.

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;