IMAMAT 22:23 - KITAB NU TUMPU ALLA LELE MA'IMAI'

²³ Koloban anu lengkat i kasanangan nu kinyonyoa, belemiu timbali monsombahkon binatang anu madi' talalo ma'ima' na butongnyo, panyode bau pombayan anu jinanji'mo, binatang anu sumo aijo' madi' otalima.

IMAMAT 22:23 ပူးပေါင်းရင်းမြစ်များ

NOSABATMO 35:29

Iwi-iwi' na aha mian nu Israel sanang hondo na kinyonyoa nu aha momboa anu osombahkon hi Tumpu bau kapalaluan nu pakalaja'an anu pinalentahkonmo nu Tumpu hi Musa da nubau nu aha.

IMAMAT 21:18

Mian anu monsombahkon koloban madi' timbali de madi' mahoson na butongnyo, atina'mo mian mapisok kabai mian anu kapi', mian anu madi' talakana' na ohupnyo kabai bahagian nu butongnyo sangga'at madi' talakana',

IMAMAT 22:22

Boli monsombahkon hi Tumpu binatang anu napisokmo, anu nopato'mo na bukunyo, kabai anu belaon, ko bisunnyo ninana'mo anu kinonamo nu panyakit kilit kabai kumahut. Binatang anu sumo aijo' madi' timbali osombahkon bau koloban kaanon i mezbah.

IMAMAT 22:24

Boli monsombahkon hi Tumpu binatang anu ontolunyo i madi'anmo kalana ingipidon, sinayu'akonmo, bela i unonyo kabai ingalinakonmo. Han anu sumo aijo' madi' timbali obau i lipu' nu belemiu.

MALEAKHI 1:8

De belemiu monsombahkonmo hi beleng-Ku, binatang anu mapisok, anu masakit kabai anu pengko madi'mo moko ala lumajang, temisa' aijo' palabuatan ahi' anu madi' mingkona? Soba mombee' binatang anu susumo aijo' hi gubernur! Pa' ia sanang ahi' ka' mule' madi' nu poposia na belemiu?”

PO'ULE' INGULIT 15:21

Panyo de potuu'an aijo' ko panyakitnyo, maluannyo pengko' kabai mapisok kabai ko panyakitnyo sangga'at anu tahahumo, belemiu madi'mo timbali monsombahkon binatang aijo' hi Tumpu Allah nu belemiu.

PO'ULE' INGULIT 17:1

Boli monsombahkon sapi' kabai domba anu ko ponyakitnyo hi Tumpu Allah nu belemiu, kalana Nu ka'ideki.