IMAMAT 22:18 - KITAB NU TUMPU ALLA LELE MA'IMAI'

^18-19 da mombee' hi Harun, hi to ana-anaknyo ka' hi iwi-iwi' na aha bansa Israel atulan haha aiya. De samian aha Israel kabai samian anu lengkat mae i salipu'an anu tataapmo jojoong i Israel monsombahkonmo koloban anu opotunu da bau pombayan anu jinanji'nyomo kabai bau koloban anu lengkat i kasanangan nu kinyonyoa, binatang aijo' tionyo ahi' lakinyo ka' madi' ko panyakitnyo da timbali Nu talima.

IMAMAT 22:18 ပူးပေါင်းရင်းမြစ်များ

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

MAZMUR 116:14

Aku tionyo ahi' mongganapi anu jinanji'kumo hi Ia, i ahop nu mian iwi-iwi' anu palesayamo hi Ia.

MAZMUR 116:18

Aku mongganapimo anu jinanji'kumo hi Tumpu, i ahop nu mian iwi-iwi' anu palesayamo hi Ia.

MAZMUR 22:25

Kalana Ia madi' mongkahegati anu nohumpakmo kasansala'an, ka' madi' mompopo'ise' mian anu sinansala'mo. Ia madi' mongkamaalin mian anu sumo aijo'mo, panyo mohongo, de aku momoita tulung mae hi Ia.

MAZMUR 56:12

Aku palesayamo hi Ia, sahingga aku madi'mo mabuhuk, manusia madi' moko ala mombau apa-apaa hi belengku.

MAZMUR 61:5

Bakasmo da aku sidu-sidutu' jojoongmo i kema' nu Belento, da madi'mo ko anu mompoposia i uno nu polipik nu Belento,

MAZMUR 61:8

O'amalakon da ia mompalentah sampetoka sidu-sidutu' salaku tomundo anu pinile'anmo nu Belento o, Tumpu, jagai mae na ia nu kalibosan ka' kanonongan nu Belento.

MAZMUR 65:1

Anu mongkapalai panyanyi. Mazmur i Daud. Nyanyian.

MAZMUR 66:13

Aku momboamo i laigan nu Belento koloban anu opotunu ka' ku ganapimo na anu jinanji'kumo hi Belento.

NOSABATMO 12:5

Belemiu timbali mompile'i domba kabai mee' panyo tionyo ahi' mo'anenyo, umunnyo sataunmo ka' anu madi' ko panyakitnyo.

ANU MOMPOLELE POTATAE NU TUMPU 5:4

Sahanyo boli balajanji' de madi' otepati na palajanjian aijo'.

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 1:2

anu tionyo ahi' nutuluti nu aha mian Israel. De ko mian monsombahkon binatang anu opotunu bau koloban hi Tumpu ia timbali monsombahkon sapi', domba kabai mee'nyo.

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

IMAMAT 17:13

De samian na aha Israel kabai samian anu lengkat mae i salipu'an anu tataapmo jojoong hi aha bansa Israel mohakop tomonsi' kabai binatang sangga'at anu timbali okaan, ia tionyo ahi' mongalini baso'nyo nu binatang aijo' ka' otabuhi nu tano'.

IMAMAT 22:17

Tumpu nompokaumo i Musa,

IMAMAT 23:38

Lamean haha aijo' salaku bau pontuangi sinaa nu Sabat anu bia-biasamo, jadi palasombahan haha aijo' suele mompaka tuangi anu bia-biasamo saja' obee' nu belemiu, i koloban nu belemiu pontobus anu jinanji'mo, kabai koloban kalana kasanangan nu kinyonyoa anu binee'mo nu belemiu hi Tumpu.

IMAMAT 7:16

De ko mian momboa koloban bau pompodame mongganapi niatnyo, kabai bau koloban kasanangan nu kinyonyoa, madi' palalu okaan iwi-iwi' i sinaa aijo'. Labinyo timbali okaanje dodop.

AMOS 4:5

Lako'mo monsombahkon roti salaku pompoita talima kase hi beleng-Ku ka' lako'mo sisik hi mian saba' belemiu nompaka tuangimo anu osombahkon! Tantu aijo'mo na anu oka'i ma'i nu bau nu belemiu!

YUNUS 1:16

Mian nu kapan haha aijo' nabuhukmo hondo hi Tumpu ka' salatan tinokamo i katano'an aha nonsombahkonmo koloban ka' nonjanji'mo lupa-lupa na han hi Tumpu.

YUNUS 2:9

Panyo aku monyanyiakonmo bau pompuji Belento ka' kusombahkonmo na koloban hi Belento. Batu-batu anu jinanji'kumo ku sidahimo Belentomo na Tumpu anu momposalamat.”

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

NOMBILANGMO 15:3

Mongkona koloban anu opotunu kabai koloban pombayan anu i niatakonmo kabai koloban kasanangan nu kinyonyoa kabai anu okolobanakon i lamean anu biasamo obau, belemiu timbali monsombahkon hi Tumpu: sapi' lakinyo, domba lakinyo, domba kabai mee'. Hongohisnyo nu koloban haha aijo' momposanangmo kinyonyoa nu Tumpu.

SISIKON NU TO RASUL-RASUL 18:18

Lapas aitu i Paulus daagi' jinojoong pinin i Korintus. Lantas ia nontaloakon pia mae na komiu to mia-mian anu palesayamo anu jojoong i kiijo', lantas tinalabutmo tiba i Priskila ka' i Akwila nokiijo' i Siria. Kiijo' i Kengkrea, i Paulus nongkismo ubaknyo anu pinojohoknyomo da i nantan kalana niatnyo hi Tumpu.

PO'ULE' INGULIT 12:17

I tampat kajojoongan nu belemiu, belemiu madi' timbali mongkaan anu osombahkon sambagian o ala i anu sampulu' na bagian na gandum nu belemiu, anggur nu belemiu, lanya' nu zaitun miu, sapi' kabai mee' kabai domba nu belemiu anu momona pino'anaknyo, koloban bau pombayan anu jinanji'mo nu belemiu, koloban kasanangan nu kinyonyoa nu belemiu kabai palasombahan sangga'at.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.

PO'ULE' INGULIT 16:10

lantas lame'akonmo na Lamean nu Monsawe' bau pongadati Tumpu Allah nu belemiu. Sinaa aijo' boamo na palasombahan kalana kasanangan nu kinyonyoa hi Ia, anu oboa o unggali ahi' da sabanding na konjoo'nyo tiba anu i humpak na gandum anu binee'-Nyomo hi belemiu.