IMAMAT 22:16 - KITAB NU TUMPU ALLA LELE MA'IMAI'

¹⁶ ka' de mompojohokmo da okaan nu samian anu madi' ko hak mongkaan. Han aijo' monsaduakonmo mian aijo' mohumpakmo kasala'an ka' monsaduakonmo da mohumpak hukuman na ia. Akumo na Tumpu, ka' Akumo na momposusi' anu osombahkon aijo'.”

IMAMAT 22:16 ပူးပေါင်းရင်းမြစ်များ

MAZMUR 38:4

Tahahumo ahi' na sakitku kalana tambuha' nu Belento; madi'mo daagi' ko anu mahoson i uno nu butongku kalana dosa'ku.

NOSABATMO 28:38

Bunga-bunganyo mosoni' aijo' tionyo ahi' nupusok i Harun i siakannyo da Aku, Tumpu, montalima iwi-iwi' na anu osombahkon, anu nuboa mae nu mian Israel hi beleng-Ku, mau mule' aha anu momboa mae anu osombahkon aijo' nombaumo kasala'an.

IMAMAT 10:17

“Kadaka' koloban bau pongampuni dosa' aijo' madi' kinaan nu belemiu i tampat anu susi'? Koloban aijo' talalo hondo susi', Tumpu nombee'mo hi belemiu, da dosa' nu aha mian Israel o ampunimo.

IMAMAT 20:8

Otuluti na atulan-Ku haha aiya, kalana Akumo na Tumpu anu nolagamo belemiu da samata-mata mombau anu Ku palentahkon.”

IMAMAT 21:15

De ia molanggaimo atulan aijo', saba' to ana-anaknyo anu sabenanyo ahi' susi' timbalimo mahumimi'. Akumo na Tumpu ka' Aku nompile'imo ia da samata-mata bau Imam Daka'.”

IMAMAT 21:23

Kalana mian aijo' madi' mahoson na butongnyo ia madi' timbali mongohani lalanse' anu pinongoloti Salipi' anu Susi' kabai mezbah. Ia madi' timbali mohumimi'i to bala-balang anu opake samata-mata hi beleng-Ku, kalana Akumo na Tumpu, ka' Akumo na nontantukan balang haha aijo' samata-mata opake bau kapalaluan-Ku.”

IMAMAT 21:8

Bansa Israel tionyo ahi' mongakui Imam salakumo mian anu samata-matamo mokalaja hi beleng-Ku kalana ia monsombahkonmo koloban kaanon hi beleng-Ku. Akumo na Tumpu; Aku aiya susi' ka' Aku aiya momposusi' mian anu pinalesayamo hi beleng-Ku.

IMAMAT 22:17

Tumpu nompokaumo i Musa,

IMAMAT 22:9

Iwi-iwi' na imam tionyo ahi' montuluti atulan haha aiya anu binee'-Kumo. De madi', aha sala'mo ka' matemo kalana molanggaimo atulan haha aijo' anu susi'. Akumo na Tumpu, ka' Akumo na nontantukan aha da samata-mata mombau anu Ku palentahkon.

IMAMAT 7:18

Panyo de toka i ko itolunnyo antoknyo aijo' sabole-bole ahi' okaan, saba' koloban aijo' madi'mo nutalima ka' madi'mo ko balakatnyo hi mian aijo', pakalaus timbalimo anu madi' pantas okaan. Mian anu mongkaan mohumpakmo kasala'an ka' montanggungmo kasala'annyo.

NOMBILANGMO 18:1

Tumpu notataemo hi Harun, “Beleyum, to ana-anak nu beleyum tiba aha mian nu Lewi tionyo ahi montanggungi kasala'an apaa na anu timbali i Kemah-Ku, panyo ola beleyum tiba to ana-anak nu beleyum na tionyo ahi' montanggungi de sala' na pakalaja'an nu to ima-imam.

NOMBILANGMO 18:32

Belemiu madi' mohumpak kasala'an de mongkaan, asan bahagiannyo anu ma'ima' hondo sinombahkonmo nu belemiu hi Tumpu. Boli mohumimi'i palasombahan anu susi' nu aha mian Israel kalana nusaduakon nu mongkaanmo palasombahan aijo' padahan ma'isa mombee' palasombahan anu ma'ima' hondo anu samata-mata obee' hi Tumpu. De olanggaimo nu belemiu na palentah aijo', belemiu matemo.

MATIUS 23:17

Komiu to mia-mian ponga' anu mapisok! Iya na anu talalo palalu: Mosoni'nyo kabai Laigan nu Tumpu anu mompotimbali mosoni' aijo' susi'?

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.