IMAMAT 22:13 - KITAB NU TUMPU ALLA LELE MA'IMAI'

¹³ Panyo anak boune nu imam anu binalumo kabai anu gina'atakonmo panyo madi' kino anak lantas ninsusule'mo i laigan nu tuumanyo ka' timbalimo tanggungannyo, timbalimo mongkaan bahagian nu tuumanyo. Ola posi aha sa'anakan i imam na timbali mongkaan anu sinombahkon aijo'.

IMAMAT 22:13 ပူးပေါင်းရင်းမြစ်များ

KAJADIAN 38:11

Lapas aijo' notataemo na i Yehuda hi Tamar moniannyo aijo', “Pinsusule'mo hi laigan nu tu'anyo nu beleyum ka' jojoongmo ikiijo' mae salaku balu sampe anakku i Syela daka'mo.” Ia notatae sumo aijo' kalana mabuhuk boli-boli i Syela nupatei nu Tumpu suele, sumo utusnyo tu'a ua-ua'aha. Sahingga i Tamar ninsusule'mo hi laigan nu tu'anyonyo.

EZRA 2:63

I gubernur nu da'erah Yehuda madi' mompobee' aha mongkaan kaanon anu osombahkon hi Tumpu Allah, mompoitaje pokinde' hi Tumpu Allah na imam anu opakeakon Urim ka' Tumim pa' mosia na koo-Nyo.

NOSABATMO 12:43

Tumpu notatae hi Musa ka' hi Harun, “Aiya na atulan molame'akon Paskah. Mian anu i salipu'an mae madi' timbali mongkaan antok nu domba anu sinombahkonmo i sinaa nu Paskah.

NOSABATMO 29:33

Tionyo ahi' nukaan nu aha na kaanon anu kinolobanakonmo bau pongampuni dosa' tempo'nyo nombalakati. Ola imam na timbali mongkaan kaanon anu binee'mo samata-mata bau baging-Ku aijo'.

YEHEZKIEL 44:8

Misa'mo posi aha na mokalaja pakalaja'an anu susi' iuno nu Laigan-Ku, panyo mianmo anu isalipu'an mae na nu pokalaja nu aha mombau palakaja'an aijo'.

IMAMAT 10:14

Panyo beleyum tiba to ana-anak nu beleyum anu to momo'ane ka' to bou-boune timbali mongkaan saha'annyo anu binoamo sinombahkon ka' pa'anyo anu sinombahkonmo samata-mata baumo anu nu Tumpu. Aijo'mo na bahagian nu to ima-imam o'ala i koloban anu bau pompodame bansa Israel. Belemiu timbali mongkaan iyayamo na tampat anu madi' mahumimi'.

IMAMAT 22:10

Palasombahan anu samata-mata obee' hi beleng-Ku ola aha sa'anakan i imam aijo' na timbali mongkaan; mian sangga'at madi' timbali mau mule' mian aijo' jojoong sa'a-sa'angu'mo na laigan tiba imam aijo' kabai mian anu mongala tambo hi ia.

IMAMAT 22:12

Anak boune nu imam anu no'osoamo tiba samian anu misa' imam, madi' timbali mongkaan anu sinombahkonmo aijo'.

PO'ULE' INGULIT 24:2

Lapas aijo' boune aijo' no'osoamo mule' tiba samian na mo'ane sangga'at.

1 SAMUEL 21:7

Tempo'nyo aitu kakona kino i Do'eg mian nu aha Edom anu mongkapalai to pola-polaya' nu potuu'on i Saul suele kiijo' sinaa aitu, mombau apaa na anu nu palentahkon nu agama.)