IMAMAT 21:22 - KITAB NU TUMPU ALLA LELE MA'IMAI'

²² Panyo ia timbali mongkaan kaanon anu sinombahkonmo maumo koloban kaanon anu sinombahkonmo maumo koloban kaanon anu susi' mau pe'e koloban kaanon anu susi' hondo.

IMAMAT 21:22 ပူးပေါင်းရင်းမြစ်များ

IMAMAT 10:12

I Musa notataemo hi Harun ka' hi anaknyo ohu-ohua', i Eleazar ka' i Itamar, “Ala na gandum labinyo nu anu kinakaanmo anu sinombahkonmo hi Tumpu. Labu aijo' obau roti anu madi' ogalo'i ragi, lantas okaan na aijo' i sohipi' nu mezbah, kalana koloban aijo' talalo hondo susi'.

IMAMAT 10:17

“Kadaka' koloban bau pongampuni dosa' aijo' madi' kinaan nu belemiu i tampat anu susi'? Koloban aijo' talalo hondo susi', Tumpu nombee'mo hi belemiu, da dosa' nu aha mian Israel o ampunimo.

IMAMAT 14:13

Anak nu domba aijo' tionyo ahi' o kolot i tampat anu tinantukanmo samata-mata bau pongkolotan binatang bau koloban pongampuni dosa' ka' koloban anu opotunu. Domba aijo' tionyo ahi' o kolot ikiijo' kalana koloban bau polugi'i ka' koloban pongampuni dosa' aijo' talalo hondo susi', ka' aijo' baumo bagi nu imam.

IMAMAT 2:10

Labihnyo baumo bagi nu to ima-imam. Roti aijo' susi' hondo kalana ingala i kaanon anu sinombahkonmo hi Tumpu.

IMAMAT 2:3

Labihnyo nu koloban anu sinombahkonmo baumo bagi nu to ima-imam. Koloban aijo' susi' hondo kalana ingala i kaanon anu sinombahkonmo hi Tumpu.

IMAMAT 21:23

Kalana mian aijo' madi' mahoson na butongnyo ia madi' timbali mongohani lalanse' anu pinongoloti Salipi' anu Susi' kabai mezbah. Ia madi' timbali mohumimi'i to bala-balang anu opake samata-mata hi beleng-Ku, kalana Akumo na Tumpu, ka' Akumo na nontantukan balang haha aijo' samata-mata opake bau kapalaluan-Ku.”

IMAMAT 22:25

Potuu'on anu i humpak hi mian anu lengkat mae i salipu'an madi' timbali osombahkon bau koloban kaanon. Binatang aijo' o anggap anu ko panyakitnyo madi' timbali otalima.

IMAMAT 22:7

Moko pakakinsap na sinaa ia belesi'mo atina'je ka' timbalimo mongkaan, kalana aijo' kaanonnyo.

IMAMAT 27:28

Madi' ko samian pe'e na timbali mompobaluk kabai montobus apaa na anu samata-mata obee'mo hi Tumpu, pa' aijo' manusia, binatang kabai tano'. Aijo' anumo nu Tumpu sampe toka sidu-sidutu'.

IMAMAT 6:10

Salatan koloban aijo' tinimbalimo abu', imam mompusokmo saluan kodo' ka' juba' hude lenan na kina'ut tionyo ahi monsahukimo abu' anu ko lompo'nyo aijo' i mezbah ka' mompo'una' i sambiha'nyo koko mezbah.

IMAMAT 6:29

Batu-batu mo'ane anu i uno nu auan nu to ima-imam timbali mongkaan koloban anu susi' hondo aijo'.

IMAMAT 7:1

Aiyamo na to atu-atulannyo mongkona koloban bau polugi'i. Koloban aijo' talalo hondo susi'.

IMAMAT 7:6

Batu-batu mo'ane anu i uno nu auwan nu to ima-imam timbali mongkaan antoknyo nu koloban aijo' panyo aha tionyo ahi' mongkaan i tampat anu samata-mata bau pongkaanan, kalana koloban aijo' susi' hondo.

NOMBILANGMO 18:19

Sampe toka sidu-sidutu', iwi-iwi' na palasombahan anu samata-mata binoamo nu aha mian Israel hi beleng-Ku, Ku bee'mo hi beleyum ka' hi to ana-anak nu beleyum to momo'ane ka' to bou-boune. Atulan aijo' opake sampe toka sidu-sidutu' ka' baumo pompokododo palajanjian anu sabole-bole obaunto tiba lee' nu belemiu.”

1 KORINTUS 9:13

Kita Utus tantu monsumbu' saba' te mian anu mokalaja i Laigan nu Tumpu mohumpak kaanon nu aha lengkat i Laigan nu Tumpu. Ka' to mia-mian anu mongkalesang tampat nu ponsombahkonan koloban, mohumpak sambagian koloban anu osombahkon i kiijo'.