IMAMAT 21:1 - KITAB NU TUMPU ALLA LELE MA'IMAI'

¹ Tumpu nompokaumo i Musa da mompotokakon palentah aiya hi to ima-imam lee' i Harun, “Samian na imam madi' timbali mohumimi'i butongnyo kalana mambamo mongatuhi pongkubulan sangalunyo

IMAMAT 21:1 ပူးပေါင်းရင်းမြစ်များ

YEHEZKIEL 44:25

Samian na imam madi' timbali mohumimi'i butongnyo kalana mongkanyangmo mian anu sinilakamo, panyo de tu'anyonyo na anu silakamo na timbali ahi', ka' mule' anaknyo, utusnyo mo'ane kabai utusnyo boune anu ma'isa no osoa.

HOSEA 5:1

Tumpu notatae, “Potombihing mae o to ima-imam! Palahatikan o mian nu Israel. Potombihing mae o to mia-mian lee' nu tomundo'! Hukuman opokonamo hi belemiu. Kalana sabenanyo adin ahi' na belemiu momputusi palakala, panyo belemiu ola mule'ahi' susumo totumban kiijo' i Mizpa ka' susumo so'o i bungkutnyo nu Tabor,

IMAMAT 19:28

Boli momboyo-boyot kilit nu belemiu kahanda' bau pontandai kabai mombelai butong nu belemiu salaku tanda sinusa'mo kalana ko anumo sinilaka. Akumo na Tumpu.

IMAMAT 21:11

Ia nonsombahkonmo hi beleng-Ku anu baumo baging-Ku jadi madi'mo timbali mohumimi'i butongnyo. Ia mule madi'mo timbali mohumimi'i Kemah-Ku, kalana mosabat ikiijo', lantas minsoopmo i laigan anu ko mian sinilakamo, mau mule' aijo' anu sinilaka tuumanyo kabai posi tinanyo.

MALEAKHI 2:1

Tumpu Anu Daka Na Kuasanyo notataemo hi to ima-imam, “Sumo uuka na palentang-Ku toka hi belemiu:

MALEAKHI 2:4

Sahingga osumbu'je nu belemiu talu' palentah aiya binee'-Kumo, da palajanjian-Ku tiba to ima-imam lee' i Lewi tataap ahi' saja' opake.

NOMBILANGMO 19:11

Mian anu nongkanyangmo mian anu sinilakamo mahumimi'mo pitun sinaa na kopinnyo.

NOMBILANGMO 19:14

De ihehe na silaka i uno nu sa'angu' na kemah, mau mule' pa' ihe na anu daagi' i uno nu kemah aijo' kabai minsoop i unonyo, mahumimi'mo pitun sinaa na kopinnyo.

NOMBILANGMO 19:16

Batu-batu mian anu nonsala' kanyangmo mian anu sinilakamo kalana pinatean, kabai anu nosi silaka i ale' nahumimi'mo pitun sinaa na kopinnyo. Sumo aijo' mule' na mian anu nonsala' kanyangmo pinongkubunan kabai buku nu mian anu sinilakamo.

NOMBILANGMO 5:2

“Bee' na palentah aiya hi aha mian Israel: Iwi-iwi' na mian anu kinonamo nu panyakit kilit anu monsilakai, kabai panyakit anu nongkonamo ka'ambangan, kabai anu nonsala' kanyangmo mian anu sinilakamo, tionyo ahi' osabatakonmo i kemah nu aha mian Israel.

NOMBILANGMO 6:6

Ubaknyo aijo' bau pontandai saba' ia mian anu ola samata-mata mokalaja hi Tumpu Allah. De daagi' hau-haunyo ia mompojalan niatnyo ia madi' timbali mohumimi'i butongnyo; ia madi' timbali mongohani anu sinilakamo, mau mule' tuumanyo na sinilaka, tinanyo kabai utusnyo.