IMAMAT 20:8 - KITAB NU TUMPU ALLA LELE MA'IMAI'

⁸ Otuluti na atulan-Ku haha aiya, kalana Akumo na Tumpu anu nolagamo belemiu da samata-mata mombau anu Ku palentahkon.”

IMAMAT 20:8 ပူးပေါင်းရင်းမြစ်များ

NOSABATMO 31:13

da mombebakon hi bansa Israel, “Lame'akon na sinaa nu Sabat, sinaa anu tinantukan-Kumo salaku sinaa pilawean. Sampetoka sidu-sidutu' sinaa aijo' baumo pontanda'i da boli okolilimi nu belemiu na Aku, da osumbu' nu belemiu, taalu' Akumo aiya na Tumpu, ka' taalu' Akumo na mompotimbali belemiu bansang-Ku.

YEHEZKIEL 20:12

Ku palentahmo na aha da moholomati ahi' sinaa nu Sabat salaku tanda palajanjian anu binee'-Kumo hi aha saba' Akumo ahi' na Tumpu, anu nompo iwi'mo aha salaku mian anu palesayamo hi beleng-Ku.

YEHEZKIEL 37:28

De Laigan-Ku daagi'mo ko anu aijo' hi aha sampe toka sidu-sidutu', nu sumbu'je nu aha bansang sangga'at taalu' Akumo ahi' na Tumpu anu nompile'imo aha Israel sahingga jinadimo mian anu palesayamo hi beleng-Ku.”

IMAMAT 19:19

Otuluti na palentah-ngKu haha aiya. Boli mompo'osoakon potuu'on anu misa' gampanyo. Boli mosu'an ohua' na ngahan nu anu osu'an i sa'angu' na ale'. Boli mompusok baju' anu tinonun ohua' na ngahan nu banang.

IMAMAT 19:37

Otuluti iwi-iwi' na atulan ka' palentah-ngKu. Akumo na Tumpu.”

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

IMAMAT 21:8

Bansa Israel tionyo ahi' mongakui Imam salakumo mian anu samata-matamo mokalaja hi beleng-Ku kalana ia monsombahkonmo koloban kaanon hi beleng-Ku. Akumo na Tumpu; Aku aiya susi' ka' Aku aiya momposusi' mian anu pinalesayamo hi beleng-Ku.

IMAMAT 22:32

Boli mombusiki sanggong-Ku anu susi'. Iwi-iwi' na aha bansa Israel tionyo ahi' monsombah Aku salaku Anu Susi' hondo. Akumo na tumpu, ka' Akumo na mompotimbali belemiu susi'.

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

MATIUS 23:17

Komiu to mia-mian ponga' anu mapisok! Iya na anu talalo palalu: Mosoni'nyo kabai Laigan nu Tumpu anu mompotimbali mosoni' aijo' susi'?

MATIUS 5:19

Sabab kalana aijo', ihe na molanggai sala'sa'angu' na palentah haha aijo' mau mule' talalo ise' ka' mongajan mian sangga'at, mombau sumo aitu mule' timbali anu talalo ise' hi mian anu palesayamo hi Tumpu. Panyo mule' ihe na mompojalan pale-palentah aijo', ka' mongajan mian sangga'at mombau sumo aitu mule', timbali daka' hi mian anu palesayamo hi Tumpu.

MATIUS 7:24

“Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.

YOHANES 13:17

De osumbu'mo miu iwi-iwi' aiya, bilahi na komiu de mombau.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

2 TESALONIKA 2:13

To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

YAKOBUS 1:22

Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.