IMAMAT 20:6 - KITAB NU TUMPU ALLA LELE MA'IMAI'

⁶ Mian anu mamba momoita pikilan hi sando anu mompaha sumbu' tiba to santu-santuu' nu mian anu sinilakamo Ku hukumo ka' madi'mo Ku posoop mian anu pinalesayamo hi beleng-Ku.

IMAMAT 20:6 ပူးပေါင်းရင်းမြစ်များ

MAZMUR 73:27

Mian anu mompala'i Belento mohumpak kasilaka'an, nu silakai nu Belento na mian anu madi' tulu-tulutan hi Belento.

NOSABATMO 22:17

Panyo de tuumanyo nu boune aijo' madi' mompobee' mo'ane aijo' mo'osoa tiba anaknyo, mo'ane aijo' tionyo ahi' mombayan hi tuumanyo aijo' doi konjoo'nyo sumo sompa' nu samian na langkoyang anu ma'isa toho' no'osoa.

NOSABATMO 22:18

Ihe-he na boune anu mompokonai hame tionyo opatei.

YESAYA 8:19

Panyo aha to mia-mian mompokaumo belemiu da momoita pokinde' hi to sando-sando anu ola lewa' mo'oyong ka' maha kija-kijapan. Mian haha aijo motataemo, “Temisa' kita patut ahi'momoita pokinde' hi aha santuu' nu mian anu sinilakamo da bau kapentingan nu mian anu daagi' tutuu'?”

YEREMIA 44:11

Mokonyo aijo' Aku, Tumpu Anu Balakuasa hondo, Tumpu Allah Israel, mongewamo belemiu ka' mohansunimo songko-songko na Yehuda.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

HOSEA 4:12

Belemiu nomoitamo da nu potingan nu sangkolong na kau'! Sangkau na tokon mompoto'i hi belemiu apaa na anu nu ka'ima'i nu belemiu da osumbu'! Belemiu sumomo samian na bengkele' anu tinimbalimo anu masala'; belemiu nohikumo Aku ka' nombee'mo butong nu belemiu hi to pilo-pilogot.

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

IMAMAT 19:26

Boli mongkaan baso'. Boli mompake pangatahuan.

IMAMAT 19:31

Boli belemiu mamba mompoita pikilan hi to sandosando anu saja' montunde santu' nu mian anu sinilakamo. De obaumo nu belemiu na aijo' belemiu mahumimi'mo. Akumo na Tumpu Allah nu belemiu.

IMAMAT 20:27

Toto samian na mo'ane kabai boune anu montunde' santuu' nu mian anu sinilakamo opahambunu'akon nu batu sampe mate. Mian aijo' nate kalana posi kasala'annyo.”

IMAMAT 20:5

saba' posi Akumo na mohukum ia, ka' aha salaigan, ka' iwi-iwi' na mian anu mosangalumo tiba ia nompala'imo Aku ka' nompalesayamo Molokh. Aha madi'mo Ku posoop mian anu pinalesayamo hi beleng-Ku.

NOMBILANGMO 15:39

Jambu-jambunyo aijo' salaku bau pompotuka': De otoamo nu belemiu na aijo', belemiu tonginau'mo hi palentang-Ku iwi-iwi', ka' montulutimo. Ka' kalana daagi' ko aijo'nyo belemiu madi' mongkolilimi Aku, sahingga madi'mo montuluti posi pongka'oho' nu butong.

SISIKON NU TO RASUL-RASUL 16:16

Daagi' kino sansinaan tempo'nyo kami hau-haunyomo namba nokiijo' i tampat balado'an, kami nompahakabotmo tiba samian na boune; ia posaihon. Boune aijo' kinuasanmo nu roh ma'idek anu moko ala mongkila-kila apa-apaa na anu timbali saidi' mae. Kalana moko ala mongkila-kila sisi' nu mian, boune aijo' mombee'i ka'untungan anu daka' hi anu pongalapannyo tambo.