Batu-batu mian anu madi' montuluti Atulan nu Tumpu Allah nu Beleyum utus, kabai to atu-atulan nu kalaja'an, sampa lia-lia' opokonai hukuman silaka, kabai oboa i tano' majo'on, kabai o'ala na halata'nyo, kabai otalungku.’ ”
Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.
da mompoto'i han aiya hi aha bansa Israel, “Toto samian anu atina' hi belemiu kabai mian anu lengkat mae i salipu'an anu jojoongmo tataap atina' hi belemiu, anu mongkolobanakon anaknyo hi Molokh, tionyo ahi' opahambunu'akon nu batu, nu mian da'isan sampe mate.
Pa' Tumpu sanang ahi' de kita momboa hi Ia momada-madala na domba kabai molabi-labi na lanya' nu zaitun? Pa' tionyo ahi' na kita monsombahkon hi Ia anakto anu tumpenyo salaku bau pontobus iwi-iwi' na dosa'to?
Higahiakon na belemiu de belemiu mongadatimo Tumpu ka palesayamo hi-Ia, ka' mule' mompotombihingmo ka' mohongo-hongomo palentah-Nyo, apaa mule' de belemiu tiba tomundo' nu belemiu aijo' sabole-bole ahi' tulu-tulutan hi Tumpu Allah nu belemiu.
