IMAMAT 2:4 - KITAB NU TUMPU ALLA LELE MA'IMAI'

⁴ De anu osombahkon aijo' roti anu tinunu i pontunuan, roti aijo' obau boli ogalo'i nu ragi. Roti aijo' timbali opodaka', labu anu ma'ima' hondo na o adon tiba lanya' nu zaitun, kabai yo kukis anu ola osauti nu lanya' nu zaitun.

IMAMAT 2:4 ပူးပေါင်းရင်းမြစ်များ

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

NOSABATMO 12:8

Pihi-pihimo aijo' ahi' na antoknyo o tunui ka' okaan tiba utan anu mapakat ka' roti anu madi' ko raginyo.

NOSABATMO 16:31

Kaanon aijo' sinanggohan nu mian Israel Manna. Balu-balunyo sumo batu nu bua' nu hemput anu to ise-ise' buhitnyo mopute' ka' nyamitnyo sumo kukis anu binau ginalo'an nu juu'.

NOSABATMO 29:2

Ala na labu anu ma'ima' hondo, ka' okompo-kompon anu madi' o una'i ragi. Sambahagian na kompolan haha aijo' tionyo ahi' obau roti anu ogalo'i lanya' nu zaitun, sambagian mule' madi' ogalo'i lanya', ka' labinyo obau kukis anu osauti nu lanya'.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEHEZKIEL 46:20

ka' notatae, “Itampatmo aiya na pongkulukian nu to ima-imam, koloban pohapusi dosa' tiba koloban pombolosi lugi' ka' pontunuan koloban gandum, da maumo ola sangkiding na koloban anu susi' madi'mo daagi' oboa ipopasan anu isambiha'nyo dumo monsilakai mian da'isan.”

IMAMAT 1:11

Mian aijo' tionyo ahi' mongkolot binatang aijo' i sasu Utara mezbah, lantas to ima-imam tionyo ahi' mondudu'akon baso'nyo i sulapa'nyo opa-opat nu mezbah aijo'.

IMAMAT 10:12

I Musa notataemo hi Harun ka' hi anaknyo ohu-ohua', i Eleazar ka' i Itamar, “Ala na gandum labinyo nu anu kinakaanmo anu sinombahkonmo hi Tumpu. Labu aijo' obau roti anu madi' ogalo'i ragi, lantas okaan na aijo' i sohipi' nu mezbah, kalana koloban aijo' talalo hondo susi'.

IMAMAT 7:12

De koloban aijo' osombahkon bau pontalima kase, saba' tiba binatang aijo' tionyo ahi' okolobanakon suele na roti anu madi' ogalo'i ragi. Roti aijo' timbali opodaka' na mongkompon labu tiba lanya' zaitun, kabai roti anu ise' pinanggang anu osapui nu lanya', kabai labu na obau kukis ogalo'i nu lanya' nu zaitun.

NOMBILANGMO 6:15

Ia tionyo ahi' suele monsombahkon sa'angu' na kalanjang na roti anu binau madi' ginalo'an nu ragi, aijo'mo roti timpodon anu binau labu ginalo'an nu lanya' zaitun, ka' kukis anu monipis anu sinautan nu lanya' zaitun. Ka' sangga'at mule' tionyo ahi' nu sombahkon koloban kaanon ka' koloban anu o inum.

MATIUS 26:38

Ia notatae hi anu saja' mombatuki Ia, “Kinyonyoang-Ku molibos hondo, Ku oa'i sumo sahanyo matemo. Jojoongmo na komiu i aiya, ka' bajaga-jagamo tiba Aku.”

YOHANES 12:27

“Kinyonyoang-Ku meat; apaa na anu tionyo Ku taloakon uuka? Pa' tionyo Ku taloakon, ‘Tuuma, opimpaliakon na Aku uuka aiya?’ Panyo kalana da mongoa'i sakisa aiya, mokonyo aitu Aku tinoka.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

1 PETRUS 2:1

Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.

1 PETRUS 2:22

Ia madi' toho' nombau dosa', ka' madi' toho' samian pe'e na nohongo Ia binaleko'.