IMAMAT 2:12 - KITAB NU TUMPU ALLA LELE MA'IMAI'

¹² Isi nu ale' anu momonanyo o ala i taun aijo, sambahagian tionyo ahi' osombahkon hi Tumpu, panyo madi' timbali opotunu i mezbah.

IMAMAT 2:12 ပူးပေါင်းရင်းမြစ်များ

KAJADIAN 23:17

Sumo aijo' na ale' i Efron anu ikiijo' i Makhpela i sasu kabete'an Mamre, tinimbalimo anu i Abraham. Tano' aijo' te ale' tibamo liangnyo ka' iwi-iwi' na to kau-kau' tibamo to kau-kau' anu i potempasannyo.

2 TAWARIKH 31:5

Kalana palentah aijo' binebakonmo, mian nu Israel nomboamo mae i Laigan nu Tumpu apa-apaa na anu binee'mo nu aha aijo'mo isi nu ale' nu aha anu momona ingala, aijo'mo: labu, anggur, lanya' nu zaitun, juu' nu uwani', ka' isi nu ale' sangga'at. Ka' mule' aha suele nomboamo mae sambagian anu ingala i sampulu' na bagian na halata' nu aha.

NOSABATMO 22:29

Toka i tempo'nyo anu tinantukanmo, sombahkonmo hi beleng-Ku na bua' nu gandum nu belemiu, sambahagian, ueenyo nu anggur nu belemiu, lanya' nu zaitun nu belemiu. Bee' mae hi beleng-Ku na to ana-anak tumpe mo'ane nu belemiu

NOSABATMO 23:19

Sataun toka sataun belemiu tionyo ahi' momboa i Laigan nu Tumpu Allah nu belemiu, gandum anu momonanyo pinadak nu belemiu. Antoknyo nu anak nu domba kabai anak nu mee' madi' timbali okola' tiba juu' nu susu nu tinanyo.”

NOSABATMO 34:22

Lame'akon na bau-bauon Pompadakan de belemiu montampu'unimo mongala bua'nyo momona nu gandum. Lame'akon suele na Bau-bauon nu Tahop anu o'atopi nu Hon nu kau' anu obau i pusnyomo nu taun, de belemiu montipumo bua'nyo nu kau' anu sinu'an.

IMAMAT 23:17

Toto sangauwan tionyo ahi' monsombahkon ohua' na roti bau palasombahan anu obee' hi Tumpu. Roti haha aijo' tionyo ahi' obau ohua' na kilogram na labu anu ma'ima' hondo ogalo'i ragi ka' tionyo ahi' obee' hi Tumpu salaku palasombahan hasin nu ale' anu momonanyo.

IMAMAT 7:13

Ka' sangga'at mule' anu tionyo ahi' osombahkon, roti anu ogalo'i ragi.

NOMBILANGMO 15:20

De belemiu montunumo roti nu gandum momona pinadak na binau roti, aijo' tionyo ahi' osombahkon salaku koloban samata-mata hi Tumpu. Bau-baunyo nu monsombahkon pokakana tiba bau-baunyo nu monsombahkon gandum anu momona giniling nu belemiu.

NOMBILANGMO 18:12

Ku bee' hi belemiu iwi-iwi' na anu ma'ima' hondo apaa na hasinnyo nu ale' momona anu sinombahkonmo nu aha mian Israel hi beleng-Ku sataun toka sataun aijo'mo lanya' nu zaitun, anggur anu binaumo inumon ka' gandum.

1 KORINTUS 15:20

Panyo nanasamo i Kristus sinilaka po'ule' pinotumuu'. Aijo'mo na katantuannyo taalu' to mia-mian anu sinilakamo po'ule' ahi' opotumuu'.

PO'ULE' INGULIT 26:10

Kalana aijo', o Tumpu, ku sombahkonmo i aiya na isi momona nu ale' anu binee'mo nu belento na tano' hi belengku.’ Lantas potimpasmo na basung aijo' i ahop nu Tumpu Allah nu belemiu ka' sombah na Ia.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.