IMAMAT 2:10 - KITAB NU TUMPU ALLA LELE MA'IMAI'

¹⁰ Labihnyo baumo bagi nu to ima-imam. Roti aijo' susi' hondo kalana ingala i kaanon anu sinombahkonmo hi Tumpu.

IMAMAT 2:10 ပူးပေါင်းရင်းမြစ်များ

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

EZRA 2:63

I gubernur nu da'erah Yehuda madi' mompobee' aha mongkaan kaanon anu osombahkon hi Tumpu Allah, mompoitaje pokinde' hi Tumpu Allah na imam anu opakeakon Urim ka' Tumim pa' mosia na koo-Nyo.

YEHEZKIEL 44:29

Anu pontumuu' nu aha gandum anu opalasombahkon, tiba koloban anu bau pohapusi dosa' ka' mule' koloban anu bau pombolosi lugi'; ka' mule' sinin na apaa na anu tinungka'akonmo hi beleng-Ku aijo' tionyo ahi' obee'mo hi aha.

YEHEZKIEL 46:20

ka' notatae, “Itampatmo aiya na pongkulukian nu to ima-imam, koloban pohapusi dosa' tiba koloban pombolosi lugi' ka' pontunuan koloban gandum, da maumo ola sangkiding na koloban anu susi' madi'mo daagi' oboa ipopasan anu isambiha'nyo dumo monsilakai mian da'isan.”

IMAMAT 10:12

I Musa notataemo hi Harun ka' hi anaknyo ohu-ohua', i Eleazar ka' i Itamar, “Ala na gandum labinyo nu anu kinakaanmo anu sinombahkonmo hi Tumpu. Labu aijo' obau roti anu madi' ogalo'i ragi, lantas okaan na aijo' i sohipi' nu mezbah, kalana koloban aijo' talalo hondo susi'.

IMAMAT 14:13

Anak nu domba aijo' tionyo ahi' o kolot i tampat anu tinantukanmo samata-mata bau pongkolotan binatang bau koloban pongampuni dosa' ka' koloban anu opotunu. Domba aijo' tionyo ahi' o kolot ikiijo' kalana koloban bau polugi'i ka' koloban pongampuni dosa' aijo' talalo hondo susi', ka' aijo' baumo bagi nu imam.

IMAMAT 2:3

Labihnyo nu koloban anu sinombahkonmo baumo bagi nu to ima-imam. Koloban aijo' susi' hondo kalana ingala i kaanon anu sinombahkonmo hi Tumpu.

IMAMAT 21:22

Panyo ia timbali mongkaan kaanon anu sinombahkonmo maumo koloban kaanon anu sinombahkonmo maumo koloban kaanon anu susi' mau pe'e koloban kaanon anu susi' hondo.

IMAMAT 5:13

Sumo aijio' na imam monsombahkon koloban bau pontobus dosa' nu mian aijio', sahingga ia nu ampunimo nu Tumpu. Labu labinyo aijo' baumo bagi nu imam, susumo biasa obau mongkolobanakon gandum.

IMAMAT 6:16

Labinyo nu labu tionyo ahi' obaumo roti anu madi' ko raginyo ka' okaan nu to ima-imam i tampat anu samata-mata bau pongkaanan, aijo'mo i natan nu Kemah nu Tumpu. Aijo'mo na bagi nu to ima-imam anu binee'mo nu Tumpu hi aha anu ingala i koloban kaanon. Kaanon aijo' susi' hondo, sumomo koloban anu bau pongampuni dosa' ka' koloban bau polugi'i.

IMAMAT 6:23

Batu-batu koloban anu osombahkon nu mian tionyo ahi' opotunu iwi-iwi', sangkunyit pe'e madi' timbali okaan.

IMAMAT 6:9

mombee' hi Harun ka' hi to ana-anaknyo atulan haha aiya, mongkona koloban anu opotunu iwi-iwi'. Imam tionyo ahi' mompaha potimpas koloban anu opotunu i mezbah ka' mompobakas ikiijo' sampahu, ka' apunyo tionyo ahi' saja' moak.

IMAMAT 7:7

Koloban anu bau pongampuni dosa' ka' koloban bau polugi'i atulannyo anu opake pokakana, aijo'mo; Antoknyo nu potuu'on anu okolobanakon aijo' bagi nu imam anu monsombahkon.

NOMBILANGMO 18:9

Palasombahan-palasombahan anu talalo susi' hondo ka' anu madi' pinotunu i mezbah, aijo'mo na anu nu belemiu: Koloban kaanon, koloban pongampuni dosa' ka' koloban bau pombolosi kalugi'an. Iwi-iwi' aijo', palasombahan susi' anu baumo bagi nu belemiu ka' bagi nu to ana-anak nu belemiu.

1 SAMUEL 2:28

Iwi-iwi' na tulunan nu bansa Israel olamo aha sa'anakan na pinile'an-Ku da timbali imam-Ku, anu mokalaja i mezbah, mompapu kamangian, ka' mompusok baju nu imam de motataemo mae hi belengku. Ka' hi aha, ka' mule' lee' nu aha binee'an-Kumo hak mongala sambagian koloban anu osombahkon anu tinunuanmo i mezbah aijo'.