IMAMAT 2:1 - KITAB NU TUMPU ALLA LELE MA'IMAI'

¹ De komian momboa koloban kaanon anu osombahkon hi Tumpu, koloban aijo' tionyo ahi' labu anu ma'ima' hondo, anu odudu'i nu lanya' nu zaitun ka' okakambuhi nu kamangian.

IMAMAT 2:1 ပူးပေါင်းရင်းမြစ်များ

NOSABATMO 29:2

Ala na labu anu ma'ima' hondo, ka' okompo-kompon anu madi' o una'i ragi. Sambahagian na kompolan haha aijo' tionyo ahi' obau roti anu ogalo'i lanya' nu zaitun, sambagian mule' madi' ogalo'i lanya', ka' labinyo obau kukis anu osauti nu lanya'.

YESAYA 43:23

Beleyum madi'mo mae nomboa domba bau koloban nu beleyum anu opotunu, madi'mo noholomati Aku nu palasombahan nu beleyum. Padahan Aku madi' nombee'i tanggungan hi beleyum anu okolobanakon, kabai nonsusa'imo beleyum ka' nontuntutmo kamangian.

YESAYA 66:20

Lengkat mae ilipu' haha aijo' nu boamo mae nu aha na to utu-utus nu belemiu anu bubuu' bansa nu belemiu salaku palasen anu obee' hi beleng-Ku. Nu boamo mae nu aha na mian haha aijo' i puge'nyo anu susi' anu Aku na tumpunyo i kota' Yerusalem monsake'i mae ajahan, keledai tiba unta ka' mule' kareta tiba loda susumo kabiasa'an nu aha Israel momboa palasombahan i Laigan nu Tumpu aijo'mo gandum anu o'isi i gumbang anu belesi'.

YEHEZKIEL 46:20

ka' notatae, “Itampatmo aiya na pongkulukian nu to ima-imam, koloban pohapusi dosa' tiba koloban pombolosi lugi' ka' pontunuan koloban gandum, da maumo ola sangkiding na koloban anu susi' madi'mo daagi' oboa ipopasan anu isambiha'nyo dumo monsilakai mian da'isan.”

YOËL 1:9

Gandum ka' anggur i nokangkanmo i Laigan nu Tumpu. Sahingga lewa'mo nohangi na to imam-imam, anu mohongo-hongo hondo mombau palentah nu Tumpu.

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

IMAMAT 14:10

Toka i sinaa ko ialunnyo mian aijo' tionyo ahi' momboa ohua' na anak nu domba lakinyo ka' sa'angu' na anak nu domba behenyo umunnyo anu sataunmo, ka' toto sa'angu' madi' ko panyakitnyo. Ka' suele mule' labu totolu na kilogram anu ginalo'anmo nu lanya' zaitun ka' saliten na lanya' nu zaitun anu obagi totolu', sambahagian na oboa mae.

IMAMAT 24:7

O'una'i kamangian anu madi' ko galo'nyo hi toto sa'angu' na susunnyo da bau pontandai saba' roti aijo' koloban kaanon anu obee' hi Tumpu.

IMAMAT 5:11

De mian anu ko sala'nyo madi' moko ala momposadia tomonsi' sapatau behenyo tiba lakinyo kabai tomonsi' malapati' bau koloban pongampuni dosa', ia tionyo ahi' momboamo labu sa'angu' na kilogram. Labu aijo' madi' timbali ogalo'i nu lanya' nu zaitun kabai tiba kamangian, kalana koloban aijo' te koloban bau pongampuni dosa', misa' koloban kaanon anu osombahkon.

IMAMAT 6:7

Imam mongkolobanakon bau pontobus dosa' nu mian aijo' sahingga ia nu ampunimo nu Tumpu.

IMAMAT 9:17

Lapas aijo' sinombahkonnyomo na koloban kaanon; ingalanyo sangkakup na labu, ka' pinotununyomo i mezbah. Aijo' bau pontuangi koloban anu opotunu sansina-sinaa.

IMAMAT 9:4

Pokau na aha monsombahkon mule' sa'angu' na sapi' lakinyo ka' sa'angu' na mee' lakinyo bau koloban pompodame. Iwi-iwi' aijo' tionyo ahi' nusombahkon nu aha hi Tumpu hingga-hinggat tiba koloban kaanon anu osombahkon anu ginalo'an nu lanya' kalana sinaa aiya Tumpu tokamo mae hi aha.”

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

NOMBILANGMO 18:9

Palasombahan-palasombahan anu talalo susi' hondo ka' anu madi' pinotunu i mezbah, aijo'mo na anu nu belemiu: Koloban kaanon, koloban pongampuni dosa' ka' koloban bau pombolosi kalugi'an. Iwi-iwi' aijo', palasombahan susi' anu baumo bagi nu belemiu ka' bagi nu to ana-anak nu belemiu.

NOMBILANGMO 28:5

Hingga-hinggat tiba anak nu domba aijo' tionyo ahi' osombahkon mule' sa'angu' na kilogram na labu ogalo'i nu sa'angu' na liter lanya' nu zaitun anu ma'ima' hondo.

NOMBILANGMO 29:18

Sombahkon hingga-hinggat tiba aijo' iwi-iwi' na koloban sangga'at susumo anu pinalaluanmo isinaa momonanyo.

NOMBILANGMO 8:8

Lantas pokau na aha mongala sa'angu' na sapi' lakinyo anu daagi' bata'nyo tiba koloban kaanon labu ginalo'an lanya' na obau. Lantas beleyum tionyo ahi' mongala sa'angu na sapi' lakinyo sangga'at bau koloban pongampuni dosa'.

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

YUDAS 1:20

Panyo komiu, to Utu-utusku, saja' ahi' opokopiani na kantumuu'an miu mintoong i kapalesaya'an miu hi Yesus Kristus. Iman nu belemiu atina' talalo hondo susi'. Ka' suele balado'a ahi' i uno nu kuasa nu Roh nu Tumpu,

ANU PINOTO'I HI YOHANES 8:3

Samian na malaikat sangga'at, anu nomboa sa'angu' na tampat pompapuan kamangian, mosoni' na tinutuk, tinoka ka' tinuminjo i ahop nu mezbah. Ia binee'an manjoo' hondo na kamangian da okakambuhakon i anu osombahkon aijo' i mezbah anu mosoni' na tinutuk ka' iwi-iwi' na do'a nu mian anu pinalesayamo hi Tumpu Allah suele nu kona nu kamangian aijo' anu o sombahkon i mezbah mosoni' na tinutuk anu aijo' i ahop nu kasuhangan.