IMAMAT 19:7 - KITAB NU TUMPU ALLA LELE MA'IMAI'

⁷ kalana antoknyo aijo' madi'mo timbali okaan. De antoknyo aijo' sabole-bole okaan, koloban aijo' madi' Ku ala.

IMAMAT 19:7 ပူးပေါင်းရင်းမြစ်များ

YESAYA 1:13

Palasuma hondo na momboa mae anu osombahkon nu belemiu aijo. Aku monguahimo mamongook nohongnyo. Ku ka'ideki ka' madi' ko poko tahan na montoa belemiu molame'akon Bitu'on Bu'ou, to sina-sinaa nu Sabat ka' to sina-sinaa anu olame'akon ka' mule' kasintomuan-kasintomuan nu agama. Iwi-iwi' aijo' ihumimianmo nu dosa-dosa' nu belemiu sumomo boaon-Ku; Aku kinainmo na nonsimbu.

YESAYA 65:4

De pihimo aha mambamo i liang ka' i kubulan da mompoita pokinde' i santuu' nu mian anu sinilakamo. Aha mongkaan bau' ka' monginum boulonnyo anu madi' timbali okaan.

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

YEREMIA 16:18

Dosa' tiba palabuatan ma'idek nu aha Ku balosakonmo nu hukuman pinduan lipat, kalana aha nohenyuimo lipu'-Ku nu pilogot manjoo' hondo. Pilogot haha aijo' madi' konyawanyo sumomo ahi' bangke' nu mian anu sinilakamo.”

IMAMAT 19:6

Antoknyo tionyo ahi' okaanmo i sinaanyo pinongkolotanmo binatang aijo' kabai dodop sinaa. Antoknyo anu daagi' tinontuha' i sinaa ko itolunnyomo tionyo ahi' opotunumo iwi-iwi',

IMAMAT 19:8

De ihe na mongkaan antoknyo aijo' mohumpak kasala'an kalana madi' mongadati anu samata-mata binee'mo mae hi belengku. Mian aijo' madi'mo Ku posoop mian anu pinalesayamo hi beleng-Ku.

IMAMAT 22:23

Koloban anu lengkat i kasanangan nu kinyonyoa, belemiu timbali monsombahkon binatang anu madi' talalo ma'ima' na butongnyo, panyode bau pombayan anu jinanji'mo, binatang anu sumo aijo' madi' otalima.

IMAMAT 22:25

Potuu'on anu i humpak hi mian anu lengkat mae i salipu'an madi' timbali osombahkon bau koloban kaanon. Binatang aijo' o anggap anu ko panyakitnyo madi' timbali otalima.