IMAMAT 19:5 - KITAB NU TUMPU ALLA LELE MA'IMAI'

⁵ De komiu monsombahkon binatang bau koloban pompodame, batuki na to atu-atulan anu binee'-Kumo da koloban aijo' Ku ala.

IMAMAT 19:5 ပူးပေါင်းရင်းမြစ်များ

2 TAWARIKH 31:2

I Tomundo Hizkia po'ule'mo nohangkat gombuan nu to ima-imam ka' mian nu Lewi ka' pinosi bebee'an kalaja na aha. Anu nu kalaja nu aha aijo'mo: monsombahkon koloban anu opotunu, ka' koloban anu bau pompodame, mongatun anu monsombah i Laigan nu Tumpu, ka' mompuji' ka' mule' montalima kase hi Tumpu iyaya mae na tampat anu kiijo' i Laigan nu Tumpu.

NOSABATMO 24:5

Lantas i Musa nonsaimo to pia-piangkuka na olitau ka' aha nonsombahkonmo koloban anu otunui bau bagi nu Tumpu, ka' mule' nongkolotmo to pia-piangkuka na sapi' da bau koloban paladamean.

YEHEZKIEL 46:12

De anu balakuasa kahanda' mombee' palasombahan kasanangan nu kinyonyoa hi Tumpu maumo salaku koloban anu opotunu kabai koloban paladamean, saba' sabatan daka' sasu kabete'an anu bau kalambanan mokiijo' ipopasan anu i unonyo tionyo ahi' otuhea'akonmo da pinsoopannyo mae. Ia tionyo ahi' monsombahkon koloban susumo anu binaunyomo i sinaa nu Sabat panyo salatan minsusule'mo na ia, sabatan daka' aijo' sampamo ahi' otumban.”

YEHEZKIEL 46:2

Isinaa haha aijo' anu balakuasa tionyo ahi' minsoop mae montulu popasan anu isambiha'nyo montulu dasanyo lantas tuminjomo koko ohi' nu sabatan daka' hau-haunyo aijo' to ima-imam monsombahkonmo koloban anu opotunu tiba koloban paladamean anu binee' mae nu anu balakuasa. Isabatan daka' aijo' ia tolodadupumo ka' monsombah Tumpu, lantas mambamo. Lapas aitu sampe toka pihi sabatan daka' aijo' madi' timbali otumban.

IMAMAT 1:3

De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

IMAMAT 19:6

Antoknyo tionyo ahi' okaanmo i sinaanyo pinongkolotanmo binatang aijo' kabai dodop sinaa. Antoknyo anu daagi' tinontuha' i sinaa ko itolunnyomo tionyo ahi' opotunumo iwi-iwi',

IMAMAT 22:21

De ko samian anu monsombahkon hi Tumpu koloban anu bau pompodame da pombayan anu jinanji'nyomo kabai koloban anu lengkat i kasanangan nu kinyonyoa, binatang aijo' madi' timbali anu ko panyakitnyo da timbali Nu talima.

IMAMAT 22:23

Koloban anu lengkat i kasanangan nu kinyonyoa, belemiu timbali monsombahkon binatang anu madi' talalo ma'ima' na butongnyo, panyode bau pombayan anu jinanji'mo, binatang anu sumo aijo' madi' otalima.

IMAMAT 22:29

De belemiu monsombahkon koloban bau pontalima kase hi Tumpu, bau na aijo' ka' batuki na atulannyo da koloban nu belemiu otalima.

IMAMAT 7:16

De ko mian momboa koloban bau pompodame mongganapi niatnyo, kabai bau koloban kasanangan nu kinyonyoa, madi' palalu okaan iwi-iwi' i sinaa aijo'. Labinyo timbali okaanje dodop.

IMAMAT 7:18

Panyo de toka i ko itolunnyo antoknyo aijo' sabole-bole ahi' okaan, saba' koloban aijo' madi'mo nutalima ka' madi'mo ko balakatnyo hi mian aijo', pakalaus timbalimo anu madi' pantas okaan. Mian anu mongkaan mohumpakmo kasala'an ka' montanggungmo kasala'annyo.