IMAMAT 19:32 - KITAB NU TUMPU ALLA LELE MA'IMAI'

³² O angga'i ka' o adati na to mia-mian anu motu'amo. Tionyo ahi' belemiu mongadati ka' okabuhuk na Aku, kalana Akumo na Tumpu.

IMAMAT 19:32 ပူးပေါင်းရင်းမြစ်များ

KAJADIAN 31:35

Lantas i Rahel notataemo hi tuumanyo, “Boli motambuha' kita Tuuma, aku madi' moko ala tuminjo molabot kita Tuuma, kalana tinokamo na adat mami nu boune”. Pagala sininsiokan i Laban na nolio, panyo madi' i humpaknyo na patong aijo'.

KAJADIAN 48:12

Lapas aijo' i Yusuf nongalamo aha aijo' tanggo-tanggogon hi Yakub, lantas ia tinolodadupumo i ahop nu tuumanyo.

1 TOMU-TOMUNDO' 2:19

Sahingga nambamo na i Batsyeba hi tomundo' ka' nombisalakon apaa na koonyo i Adonia. I Tomundo' nobungkutmo nolalabot tinanyo ka' nonsombah ia lantas po'ule' mule' sinumuhang i kasuhangannyo. Lapas aijo' pinalentahnyomo na mian nontoukai kadela i sasu koanannyo da bau kasuhangan nu tinanyo.

2 TOMU-TOMUNDO' 17:36

O'adati mae na Aku anu nomboamo mae belemiu nosabat lengkat mae i Mesir nu kuasa anu daka' hondo, ka' sombah mae na Aku, ka' osombahkon mae na koloban hi belengku.

AYUB 32:4

I Elihu ma'isa talalo motu'a de opokakanakon tiba aha aijo', kalana aijo' tinanda'annyomo da aha iwi-iwi' lapas pe'e na motatae.

AYUB 32:6

lantas ia notataemo sumo uuka, “Aku daagi' olitau, panyo belemiu i langkai'mo, kalana aijo' aku mabuhuk ka' bata-bata na mompolubat pikilanku.

AMSAL 16:31

Mian anu madi' tageo' na kinyonyoanyo saidi mae obee'i mantan na umun; uan nu ubaknyo sumomo makota' anu talalo hondo ma'ima'.

AMSAL 20:29

Mian anu daagi' olitau o'akui kalana kahosonannyo, ka' mian anu tu'anyomo o'angga'i kalana uanonmo.

AMSAL 23:22

O tuluti na tuuma nu beleyum, kalana de madi' ko ianyo madi' kino beleyum. De tina nu beleyum bengkele'mo opotoa ahi' na beleyum mongadati ia.

YESAYA 3:5

Aha to mia-mian mompaha bebee'mo kasusa'an. To oli-olitau madi'mo mompajuli aha to tu'a-tu'anyo ka' mian anu kasiasi madi'mo mompajuli mian anu kaya.

MOHAANGI 5:12

To pola-polaya' mami i hakopmo ka' pinokalayo' to tu'a-tu'anyo mami madi'mo daagi' iholomatan.

IMAMAT 19:14

Boli montotobi'akon mian anu mabongon ka' boli mompotimpas batu, da bau tosumpunan nu mian mapisok hau-haunyo lumajang. Tionyo ahi' belemiu mongadati ka' okabuhuk na Aku, kalana Akumo na Tumpu Allah nu belemiu.

ROMA 13:7

Jadi o bayan hi pamalentah apaa na anu tionyo o bayan nu kita Utus hi ia. O bayan na hasin de kita Utus tionyo mombayan hasin; ka' bea o bayan de kita Utus tionyo mombayan bea. O'angga'i na aha de anu tionyo o'angga'i, ka' o'adati na aha de anu tionyo o'adati.

1 TIMOTIUS 5:1

Boli beleyum talalo montambuha'i mian anu lebe motu'amo anu molingkuduimo belemiu na ko tu'anyo, panyo osale'i na ia da mohongo potatae nu beleyum susumo au'aitu ia tuuma nu beleyum. Opalentah na to oli-olitau susumo utus,

1 PETRUS 2:17

O'angga'i na mian iwi-iwi', ka' o kalibosi na to utu-utus miu sangko mian Kristen. O kabuhuk na Tumpu ka' o adati na Kaisar.