IMAMAT 19:30 - KITAB NU TUMPU ALLA LELE MA'IMAI'

³⁰ Lame'akon na sinaa nu Sabat ka' o adati na tampat anu tinantukanmo samata-mata bau ponsomban Aku. Akumo na Tumpu.

IMAMAT 19:30 ပူးပေါင်းရင်းမြစ်များ

2 TAWARIKH 33:7

Patong nu pilogot pino'una'nyomo i uno nu Laigan nu Tumpu, padahan tampat aijo' polo'mo pinoto'i nu Tumpu Allah hi Daud ka' hi Salomo anaknyo momo'ane, “Laigan-Ku i Yerusalem aiya, anu pinile'an-Kumo hi anu sampulu' ka' ohua' na da'erah tulunan nu aha Israel aijo'mo na tampat anu tinantukanmo bau tampat ponsomban Aku sampe toka sidu-sidutu'.

2 TAWARIKH 36:14

Ka' mule' Laigan nu Tumpu anu tinantukanmo nu Tumpu bau ponsomban butong-Nyo pinohumimi'mo nu to pola-polaya' Yehuda, to ima-imam; ka' mian da'isan, kalana aha suele nonsombahmo pilogot ka' nombatukimo kabiasa'an nu kantumuu'an anu baladosa' tiniho i bansa-bansa anu mompaha'ohani aha.

MAZMUR 89:7

Aita' mae i langit madi' ko anu susumo Belento o, Tumpu, madi' ko malaekat nu suluga' anu mompokakanai Belento.

NOSABATMO 20:8

Lame'akon na sinaa nu Sabat ka' o adati na sinaa aijo' salaku sinaa anu susi'.

ANU MOMPOLELE POTATAE NU TUMPU 5:1

Bapikin pe'e atina'je ka' otaeakon ka' boli sampa malia-lia' balajanji' hi Tumpu. Ia kiita i suluga ka' mule' beleyum aiya i dunia jadi o unggali ahi' na potatae nu beleyum.

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

IMAMAT 15:31

Tumpu nompokaumo i Musa mompo'ingat bansa Israel da sabole-bole monginau' hipian na aha mahumimi' ka' hipian na aha madi'mo mahumimi', da aha madi' mohumimi'i Kemah nu Tumpu anu aijo' i totonga' nu kemah nu aha. De aha mohumimi'i Kemah aijo', aha silakamo.

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 26:2

Obau na lameannyo i sinaa nu Sabat ka' i sina-sinaa lamean nu agama sangga'at ka' o adati na tampat anu tinantukanmo bau samata-mata ponsomban Aku. Akumo na Tumpu.

MATIUS 21:13

Lantas Ia notataemo hi to mia-mian aijo', “I uno nu Kitab nu Tumpu tinulis, Tumpu notatae, ‘Laigan-Ku osanggohi laigan tampat balado'a.’ Panyo komiu mompotimbalimo petaa nu tololang!”

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?