IMAMAT 19:3 - KITAB NU TUMPU ALLA LELE MA'IMAI'

³ Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 19:3 ပူးပေါင်းရင်းမြစ်များ

KAJADIAN 48:12

Lapas aijo' i Yusuf nongalamo aha aijo' tanggo-tanggogon hi Yakub, lantas ia tinolodadupumo i ahop nu tuumanyo.

NEHEMIA 9:14

Sinaa nu Sabat anu susi' tionyo ahi' nu lame'akon nu aha, ka' atulan nu Belento binee'mo nu Belento hi Musa lantas iaje na nompoto'i hi kami.

NOSABATMO 16:29

O inau' Aku nombee'imo belemiu sansinaa na milawe. Mokonyo aijo' sinaa ko inomonnyo binee'an-Kumo anu okaan saimbanggan kapalaluan uansinaa. I sinaa ko ipitunnyo toto samian tionyo ahi' jojoongmo i laigan, ka' madi'mo timbali mosabat.”

NOSABATMO 20:12

O adati na tuuma ka' tina nu belemiu da belemiu mohumpak ka'ima'an ka' mantan nu umun i lipu' anu Ku bee' hi belemiu.

NOSABATMO 20:8

Lame'akon na sinaa nu Sabat ka' o adati na sinaa aijo' salaku sinaa anu susi'.

NOSABATMO 21:15

Ihe na mondoke tuuma ka' tinanyo, tionyo obee'i hukuman opatei.

NOSABATMO 21:17

Ihe na montundai tuumanyo kabai tinanyo, tionyo obee'i hukuman opatei.

AMSAL 1:8

O intomakon apaa na anu pinoto'i nu tuuma ka' tina nu beleyum hi beleyum, anakku,

AMSAL 23:22

O tuluti na tuuma nu beleyum, kalana de madi' ko ianyo madi' kino beleyum. De tina nu beleyum bengkele'mo opotoa ahi' na beleyum mongadati ia.

AMSAL 30:11

Daagi' ko mian anu montotobi'akon tuumanyo; ka' madi' moholomati tinanyo.

AMSAL 30:17

Mian anu lewa' mongalu tuumanyo kabai tinanyo anu i langkai'mo ka' binengkele'mo, pantasmo ahi' na o'alin i sambiha'nyo da matanyo nu tungkugi nu papaa' ka' bangke'nyo nu kaanmo nu bonyia'.

YESAYA 58:13

Tumpu notatae, “Holomati na sinaa nu Sabat sinaa bau ponsomban Tumpu. Boli ola mongkalesang posi kapentingan nu belemiu isinaa aijo'. Lame'akon na sinaa aijo' salaku sinaa anu ma'ima'; holomati na sinaa nu Tumpu, boli mamba moyaya: boli mokalaja kabai montaloakon potatae anu madi' kokaliangannyo.

YEHEZKIEL 20:12

Ku palentahmo na aha da moholomati ahi' sinaa nu Sabat salaku tanda palajanjian anu binee'-Kumo hi aha saba' Akumo ahi' na Tumpu, anu nompo iwi'mo aha salaku mian anu palesayamo hi beleng-Ku.

IMAMAT 11:44

Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 19:25

I taun ko olima'nyoje atinaje' ka' bua'nyo timbalimo okaan. De atulan aijo' obau nu belemiu iwi-iwi', kau' anu okaan na bua'nyo aijo' mompaka pahampemo. Akumo na Tumpu Allah nu belemiu.

IMAMAT 19:30

Lame'akon na sinaa nu Sabat ka' o adati na tampat anu tinantukanmo samata-mata bau ponsomban Aku. Akumo na Tumpu.

IMAMAT 19:31

Boli belemiu mamba mompoita pikilan hi to sandosando anu saja' montunde santu' nu mian anu sinilakamo. De obaumo nu belemiu na aijo' belemiu mahumimi'mo. Akumo na Tumpu Allah nu belemiu.

IMAMAT 19:34

Opalentah na aha susumo belemiu mompalentah to mia-mian anu bubuu' bansa nu belemiu ka' okanonongi na aha susumo belemiu mongkanonongi posi butong nu belemiu. Inau' saba' belemiu suele toho'mo jinojoong salaku mian anu lengkat mae i salipu'an tempo'nyo kiijo' mae i Mesir. Akumo na Tumpu Allah nu belemiu.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

IMAMAT 26:2

Obau na lameannyo i sinaa nu Sabat ka' i sina-sinaa lamean nu agama sangga'at ka' o adati na tampat anu tinantukanmo bau samata-mata ponsomban Aku. Akumo na Tumpu.

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

PO'ULE' INGULIT 27:16

‘Kinutukan na mian anu madi' mongadati tu'anyo nu aha ka' mompojohokmo aha madi'mo opalakai.’ ‘Amin!’

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.