IMAMAT 19:2 - KITAB NU TUMPU ALLA LELE MA'IMAI'

² da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

IMAMAT 19:2 ပူးပေါင်းရင်းမြစ်များ

MAZMUR 99:3

Bakas da aha mompuji' anu talalo hondo oholomati. Ia talalo hondo susi'!

NOSABATMO 19:6

ola posi Aku na tumpunyo ka' belemiu mombaumo apaa na anu Ku palentahkon salaku to ima-imam.”

NOSABATMO 22:31

Belemiu mian anu pinalesayamo hi beleng-Ku, kalana aijo' mau mule' binatang apaa na anu nu sa'u nu sangko binatangnyo, madi' timbali okaan nu belemiu na antoknyo; bee'mo na aijo' hi to dede-dedeng.”

IMAMAT 19:1

Tumpu nompokaumo i Musa,

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

IMAMAT 20:7

O inau' da belemiu tataap susi', kalana Akumo na Tumpu Allah nu belemiu.

IMAMAT 21:15

De ia molanggaimo atulan aijo', saba' to ana-anaknyo anu sabenanyo ahi' susi' timbalimo mahumimi'. Akumo na Tumpu ka' Aku nompile'imo ia da samata-mata bau Imam Daka'.”

IMAMAT 21:23

Kalana mian aijo' madi' mahoson na butongnyo ia madi' timbali mongohani lalanse' anu pinongoloti Salipi' anu Susi' kabai mezbah. Ia madi' timbali mohumimi'i to bala-balang anu opake samata-mata hi beleng-Ku, kalana Akumo na Tumpu, ka' Akumo na nontantukan balang haha aijo' samata-mata opake bau kapalaluan-Ku.”

IMAMAT 21:8

Bansa Israel tionyo ahi' mongakui Imam salakumo mian anu samata-matamo mokalaja hi beleng-Ku kalana ia monsombahkonmo koloban kaanon hi beleng-Ku. Akumo na Tumpu; Aku aiya susi' ka' Aku aiya momposusi' mian anu pinalesayamo hi beleng-Ku.

AMOS 3:3

Ugaat ua'aha na mian mamba hingga-hinggat madi' pe'e basale' momona?

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

PO'ULE' INGULIT 27:10

Kalana aijo' otuluti na Tumpu Allah nu belemiu ka' bau iwi-iwi' na palentah-Nyo anu binee'kumo hi belemiu sinaa aiya.”

YOSUA 24:19

Lantas i Yosua notataemo, “Panyo belemiu kugantang madi' moko ala palesaya ka' mohongo-hongo Tumpu, kalana Ia Tumpu Allah anu susi'. Anu Ola Sa'a-sa'angu'nyomo. Ia madi' mongka'oho' ko anu mongkakanai. De belemiu mompala'imo Ia ka' palesayamo ka' mohongo-hongomo hi to pilo-pilogot sangga'at, Ia madi'mo mongampuni dosa' nu belemiu. Panyo ola ahi', Ia mongewamo ka' mohukum belemiu. Ia mompateimo belemiu, maumo naipuan mae Ia nanonongmo hi belemiu.”

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.