IMAMAT 19:13 - KITAB NU TUMPU ALLA LELE MA'IMAI'

¹³ Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

IMAMAT 19:13 ပူးပေါင်းရင်းမြစ်များ

AYUB 17:5

Susumo koonyo nu kantuang, ihe na mongkalak sangalu kalana molio ka'untungan, to ana-anaknyo saidi' mae na mohumpak balosnyo.

AYUB 31:39

de bisuannyo isi nu ale'nyo ingingkotankumo kinaanku, ka' pinojohokumo da mo'ohop na tumpu nu ale' anu nosu'an,

AYUB 7:2

Sumomo samian na posaihon anu lewa' mongindi pa' iya na pihohungan sumomo mian anu mongala tambo montanda'imo tambonyo.

NOSABATMO 20:15

Boli montomang.

NOSABATMO 22:13

De potuu'on aijo' kinaan nu sangko binatangnyo, anu nompotuu' tionyo ahi' mompotoa bukunyo anu tinontuha' bau sa'angu' na bukuti' hi tumpunyo, madi'mo pilenje ia mombayan binatangnyo bau pombolosi kalugi'an.

NOSABATMO 22:15

Panyo de tempo'nyo aitu daagi' ko tumpunyo ikiijo' anu nonsabon madi' pilenje mombayan pombolosi kalugi'an. De potuu'on aijo' bau pongalapan tambo, kalugi'annyo baumo pombolosi tambonyo.”

NOSABATMO 22:21

Boli monsusa'i kabai obau madi' adin na mian anu i salipu'an mae; o inau' ahi' na belemiu naipuan mae suele mian anu i salipu'an kiijo' mae i Mesir.

NOSABATMO 22:7

De daagi' ko mian anu mompahakona lantas mompo'una' apa-apaa sumo doi kabai balang anu ko angga'nyo. Panyo lapas aijo' anu pino'una' aijo' binulinganmo. De anu nombuling o humpakmo, ia tionyo ahi' mombayan pinduan lipat.

AMSAL 20:10

Pontimbang ka' pongukun anu mongakali madi' nuka'ima'i nu Tumpu.

AMSAL 22:22

Boli mompolugi' mian anu kasiasi, ola kalana ia madi' mahoson ka' i pomputusian palakala boli mongagoi anu nu mian anu madi' moko ala mombau apa-apaa.

AMSAL 3:28

Boli mompoto'i hi bubu' belemiu montanda'i sampe dodop de memang uuka aiya belemiu moko alamo montulungi ia.

YEREMIA 22:13

Silakamo na mian anu mombau laigannyo panyo binau nu jalan anu madi' adin, ka' nompodaka'mo panyo pinodaka'mo nu jalan anu madi' hodi' na kinyonyoa. Silakamo na ia anu mompalentah mian mokalaja padahan madi' otamboi.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

IMAMAT 25:14

Jadi de belemiu mompobaluk tano' hi bubu' belemiu mian Israel, kabai mongoli tano' hi ia, boli mompaha poba-pobaluki padahan kinyonyoanyo tageo'.

IMAMAT 25:17

Boli mongakali bubu' belemiu mian nu Israel, panyo tionyo ahi' belemiu mabuhuk hi Tumpu, Tumpu Allah nu belemiu.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 20:8

Ohanimo malom, tumpu nu ale' nu anggur aijo' notatae hi mandonnyo, ‘Lagamo na anu mokalaja aijo' ka' bayanmo na tamboo nu aha toto samian, otampu'uni lengkat hi mian anu ninsoop i mihi toka hi aha anu moona ninsoop.’

MARKUS 10:19

Beleyum nonsumbu'mo palentah-palentah nu Tumpu, ‘Boli mompatei, boli masala', boli montomang, boli bau sakisi baleko', boli mongakali, adati na tuuma tinaum.’ ”

LUKAS 3:13

I Yohanes nontaami, “Boli montage hasin molingkuduimo apaa na anu pinoko tantukanmo.”

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

1 TIMOTIUS 5:18

Kalana i uno nu Kitab nu Tumpu tinulismo, “Sapi' anu hau-haunyo mongutut gandum da mohudu' na batunyo nu gandum anu aijo' i pangkoengnyo, boli ahi' osoku' na nganga'nyo,” suele mule', “Mian anu mokalaja, ko hak montalima tambonyo.”

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.