IMAMAT 19:10 - KITAB NU TUMPU ALLA LELE MA'IMAI'

¹⁰ Bolimo mompinsusule'i ale' nu anggur nu belemiu kahanda' molimu' bua' nu anggur anu tinontuha' salatan belemiu nontampu'unimo nompadak bua'nyo. Ka' mule' bua'nyo anu manabu'mo bolimo o ala nu belemiu. Bakasmo na aijo' baumo bagi nu to mia-mian kasiasi ka' mian anu lengkat mae i salipu'an. Akumo na Tumpu Allah nu belemiu.

IMAMAT 19:10 ပူးပေါင်းရင်းမြစ်များ

YESAYA 17:6

Susumo kau' zaitun anu noko tipuanmo na bua'nyo ka' me tinontuha' pa' sangkuka itutuu'nyo nu panga'nyo sumo aijo'mo na Israel me sangkiding na miannyo na salamat. Aku, Tumpu, Tumpu nu aha Israel nompoto'imo.”

YESAYA 24:13

Sumo aijo'mo na anu jadi' isongko-songko na dunia saidi' mae hi iwi-iwi' na bansa. Sumomo ahi' itempo' nu pompadakan salatan bua' nu zaitun o, alamo sampe mingkot ka' mule' bua' nu anggur anu kamingkotannyomo otipumo aijo' i pumpungannyo.

YEREMIA 49:9

De mian montipu bua' nu anggur saja' ko anu nu potuha' nu aha, ka' de tololang toka mae pihi, ia ola mongala apaa na anu nu ka'ima'i.

IMAMAT 11:44

Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 19:11

Boli mombuling, mongakali kabai baleko'.

IMAMAT 19:25

I taun ko olima'nyoje atinaje' ka' bua'nyo timbalimo okaan. De atulan aijo' obau nu belemiu iwi-iwi', kau' anu okaan na bua'nyo aijo' mompaka pahampemo. Akumo na Tumpu Allah nu belemiu.

IMAMAT 19:9

De belemiu mompadakmo, bolimo mompadak gandum anu tumuu' i duhu-duhuk nu ale' nu belemiu, ka' bolimo molimu' gandum anu pinala'ianmo salatan belemiu noko padakmo.

IMAMAT 23:22

De belemiu mompadakmo, boli opadak na gandum anu tumuu' i habe' nu ale' nu belemiu ka' boli po'ule' mompinsusule'i gandum anu pinala'ianmo de lapasmo moko padak. Pojohokmo da nu ala nu mian kasiasi ka' mian anu lengkat mae i salipu'an. Tumpu atina'mo na Tumpu Allah nu belemiu.

IMAMAT 25:6

Maumo sumo aijo', tano' aijo' ko hasinnyo ahi' da timbali kaanon nu belemiu, to botu-botuan, to mia-mian anu mongala tambo hi belemiu ka' to mia-mian anu lengkat mae i salipu'an anu jojoong tiba belemiu.

OBAJA 1:5

Anu montomang kabai tololang anu toka mae pihi ola mongala anu nu ka'ima'i nu aha. Mian anu montipu anggur i ale' saja' mompotuha' to pia-piangkuka na bua'nyo. Panyo belemiu opateimo iwi-iwi' madi'mo ko anu tontuha' na nu patei nu aha to sampo-sampo bali' nu beleyum.

MIKHA 7:1

Silakamo na aku! Aku sumomo mian anu no'ohopmo mamba montipu bua' nu kau' padahan nokolapasmo natempo'nyo nimbua'. Madi'mo daagi' ko bua'nyo na to kau-kau' Bua' nu anggur tiba bua' kau' ara anu toto ima-ima' iwi-iwi' iningkotmo tinipuan.

PO'ULE' INGULIT 24:19

De belemiu mongalamo hasinnyo nu ale' miu, boli mompinsusule'i mongala gandum anu kinolilimanmo. Pojohokmo ahi' na timpannyo nu gandum aijo' baumo bagi nu mian anu lengkat mae i salipu'an, anak madi'mo ko tuumanyo tinanyo, ka' to balu-balu, da belemiu nubalakati nu Tumpu Allah nu belemiu i han iwi-iwi' anu obau nu belemiu.

PO'ULE' INGULIT 24:20

De komiu ninsanmo na mongala bua'nyo nu zaitun ka' bua' nu anggur miu, bolimo po'ule' mompinsusule'i mongala bu'anyo haha aijo' anu daagi' tinontuha'. Aijo' opojohokmo ahi' nu belemiu da baumo bagi' nu mian anu lengkat mae i salipu'an, anak anu madi'mo ko tuumanyo ka' tinanyo, ka' to balu-balu.

TO MIA-MIAN KOPIAN 8:2

Panyo tinaaman i Gideon, “Apaa na anu binaungkumo madi' ko sanggonyo de opokakanakon tiba apaa na anu binaumo nu belemiu. Mau mule' anu binaumo nu belemiu aijo' ola sangkiding, panyo anu ola sangkiding aijo' lebe ko angga'nyo molingkudui apaa na anu binaumo iwi-iwi' nu suludadungku.

I RUT 2:2

Daagi' kino sansinaan i Rut notataemo hi Na'omi, “Kita Tinangku, ku poita da aku mamba i ale' da' montoluki gandum pa' ko anu manabu' i lima nu anu mompadak. Ku tutugi tantu daagi' ko mian anu mompobee' aku mombau sumo aijo'.” “Ii'mo anaku!” tinaaman i Na'omi, “lako'mo!”