IMAMAT 18:30 - KITAB NU TUMPU ALLA LELE MA'IMAI'

³⁰ Sahingga Tumpu notataemo, “Otuluti na atulan haha aiya anu Ku bee' ka' boli montiho palabuatan nu to mia-mian anu monjojoongi tano' nu Kana'an ma'isa pe'e kino belemiunyo. Boli oposi humimi'i na butong nu belemiu nu palabuatan haha aijo'. Akumo na Tumpu Allah nu belemiu.”

IMAMAT 18:30 ပူးပေါင်းရင်းမြစ်များ

1 TOMU-TOMUNDO' 14:24

I tampat haha aijo'na lewa' pasala'an nu aha salaku bau ponsombah pilogot. Ka' mule' to momo'ane obee'i kalaja da mombau kalakuan masala' aijo'. Mian nu Yehuda nombaumo kalakuan anu ma'idek sumo aijo', han aijo' tiniho nu aha iwi-iwi' hi to bansa-bansa anu ila'mo nu Tumpu tempo'nyo mian nu Israel ninsoopmo ilipu' aijo'.

1 TOMU-TOMUNDO' 21:26

I Ahab nombaumo to dosa-dosa' anu talalo ma'idek; ia nonsombahmo pilogot susumo anu lewa' nu bau nu mian Amori, aijo'mo to mia-mian anu i laa'mo nu Tumpu nosabat i Kana'an tempo'nyo mian nu Israel nompinsopimo lipu' aijo'.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

IMAMAT 18:29

Da osumbu' nu belemiu saba' ihe na mombau palabuatan anu moko pahumimi' aijo' madi'mo daagi' oposoop mian anu pi nalesayamo hi Tumpu Allah.

IMAMAT 19:1

Tumpu nompokaumo i Musa,

IMAMAT 20:23

Boli montiho adat nu bansa anu jojoong ikiijo' mae. Kinindotnyomo na Aku nu kalakuan nu aha anu toto ide-idek. Aijo' na sababnyo aha i laa'-Kumo da belemiu timbali minsoop i lipu' aijo'.

IMAMAT 22:9

Iwi-iwi' na imam tionyo ahi' montuluti atulan haha aiya anu binee'-Kumo. De madi', aha sala'mo ka' matemo kalana molanggaimo atulan haha aijo' anu susi'. Akumo na Tumpu, ka' Akumo na nontantukan aha da samata-mata mombau anu Ku palentahkon.

PO'ULE' INGULIT 11:1

“Kanonongi na Tumpu Allah nu belemiu, ka' saja' otuluti na palentah-Nyo iwi-iwi'.

PO'ULE' INGULIT 12:30

De bansa haha aijo' opateimo obala'ingati boli mule' belemiu montiho aha monsombah to pilo-pilogot sangga'at kalana kalakuan aijo' mompotoka balaa'.

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

TO MIA-MIAN KOPIAN 20:6

Sahingga ingalangkumo na bangke'nyo ka' pinado-padotkumo na ia, lapas aijo' pinakatungkumo hi sampulu' ka' ohua' na tulunan nu bansanto toto sa'angu, sampadot. Binaungku na aijo' kalana mian nu Gibea haha aijo' nombaumo anu ma'idek ka' nongambangimo mian nu Israel.