IMAMAT 18:3 - KITAB NU TUMPU ALLA LELE MA'IMAI'

³ Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

IMAMAT 18:3 ပူးပေါင်းရင်းမြစ်များ

2 TOMU-TOMUNDO' 17:8

ka' lewa'mo montiho adat nu to bansa-bansa anu i laa'mo nu Tumpu tempo'nyo bansa Israel nambamo nompahampateakon bansa haha aijo'. Bansa Israel nontulutimo adat kabiasa'an anu pinotatapmo nu to tomu-tomundo' Israel.

MAZMUR 106:35

Pakalaus aha mule' no'osoamo tiba to bansa-bansa sangga'at haha aijo', ka' aha nontihomo kabiasa'an nu mian anu madi' monsumbu' Tumpu.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

YEHEZKIEL 23:8

Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

IMAMAT 20:23

Boli montiho adat nu bansa anu jojoong ikiijo' mae. Kinindotnyomo na Aku nu kalakuan nu aha anu toto ide-idek. Aijo' na sababnyo aha i laa'-Kumo da belemiu timbali minsoop i lipu' aijo'.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

PO'ULE' INGULIT 12:4

De belemiu monsombahmo Tumpu Allah nu belemiu boli montiho susumo apaa na anu nubau nu mian haha aijo' monsombah to pilo-pilogot nu aha.

PO'ULE' INGULIT 29:17

Tinoamo nu belemiu na to pato-patong nu pilogot nu aha anu monsaduakon da mahumimi' te kau', batu, salaka, ka' mosoni' na binau.

PO'ULE' INGULIT 9:4

Noko laa' aha na Tumpu Allah nu belemiu, kalana monsangaja'i belemiu boli monsangka belemiu Nu boamo mokiijo' da mongalamo tano' aijo' kalana belemiu ma'ima' ka' nombaumo pongka'oho' nu Tumpu Allah miu, sahingga pantas na montalima. Totu-totu'u madi'! Tumpu nolaa'mo bansa haha aijo' kalana monsangaja'i belemiu, kalana aha ma'idek na gau'nyo. Tumpu nompobee'mo belemiu mongala tano' nu aha, kalana Ia ka'oho' mongganapi janji-Nyo hi mompolee' miu i Abraham, i Ishak ka' i Yakub.