IMAMAT 18:28 - KITAB NU TUMPU ALLA LELE MA'IMAI'

²⁸ da belemiu boli o hukum ka' Nu laa'mo madi' timbali jojoong i tano' aijo'. Susumo to mia mian anu madi' monsumbu' Tumpu, anu jinojoongmo kiijo' mae ma'isa pe'e kino belemiunyo.

IMAMAT 18:28 ပူးပေါင်းရင်းမြစ်များ

YEREMIA 9:19

Kiita' mae i Sion ihongomo na lewo' nu mian humang, “Kita silakamo ka' talalomo ingambangan. Lipu'to tionyo ahi' opala'intomo, laiganto iwi-iwi' hansunmo ka' motanatamo.”

YEHEZKIEL 36:13

Aku Tumpu Anu Matangkas na Kuasanyo notataemo: ‘Memang totu'u tano' aiya sinanggohanmo saja' mongkaan manusia ka' saja' mongagoi to ana-anak – nu bansa anu monjojoongi ia.

YEHEZKIEL 36:17

“O manusia anu madi' tumuu' batu, tempo'nyo aha mian Israel jonojoongmo ilipu' nu aha, palabuatan nu aha nohumimi'imo butong nu aha. Ku anggap na palabuatan nu aha aijo' anu ahi' madi' pantas obau pokakanamo sumo boune anu hau-haunyo tinokamo na adat nu aha boune.

IMAMAT 18:25

Aha nombaumo iwi-iwi' na palabuatan anu moko pahumimi' aijo', sahingga tano' nu aha tinimbalimo nahumimi'. Sahingga Tumpu nohukumo aha ka' madi'mo nompobee' aha jinojoong ikiijo' mae. Panyo belemiu boli hondo-hondo mombau palabuatan anu sumo aijo'. Belemiu iwi-iwi', mian nu Israel tiba mian anu lengkat mae i salipu'an anu tataapmo jojoong tiba belemiu, tionyo ahi' montuluti atulan ka' palentah nu Tumpu,

IMAMAT 18:29

Da osumbu' nu belemiu saba' ihe na mombau palabuatan anu moko pahumimi' aijo' madi'mo daagi' oposoop mian anu pi nalesayamo hi Tumpu Allah.

IMAMAT 20:22

Tumpu notatae, “Otuluti iwi-iwi' na atulan ka' palentah-ngKu, da belemiu madi' o laa' mompala'i lipu' nu Kana'an, ka' maumo pa' iyaya mae na pomboan-Ku belemiu.

ROMA 8:22

Osumbu'to sampe toka tempo' uuka aiya songko-songko na dunia notusa'mo kalana nongoa'imo sansala, sumo samian na totina mongoa'i sansala de mompohampemo anak.

ANU PINOTO'I HI YOHANES 3:16

Panyo belemiu ola susumo anu moloolap madi' mapanas, ka' lop mule' madi'. Mokonyo aijo' belemiu Ku lua'je mosabat lengkat mae i nganga'-Ku.