IMAMAT 18:25 - KITAB NU TUMPU ALLA LELE MA'IMAI'

^25-27 Aha nombaumo iwi-iwi' na palabuatan anu moko pahumimi' aijo', sahingga tano' nu aha tinimbalimo nahumimi'. Sahingga Tumpu nohukumo aha ka' madi'mo nompobee' aha jinojoong ikiijo' mae. Panyo belemiu boli hondo-hondo mombau palabuatan anu sumo aijo'. Belemiu iwi-iwi', mian nu Israel tiba mian anu lengkat mae i salipu'an anu tataapmo jojoong tiba belemiu, tionyo ahi' montuluti atulan ka' palentah nu Tumpu,

IMAMAT 18:25 ပူးပေါင်းရင်းမြစ်များ

1 TOMU-TOMUNDO' 21:26

I Ahab nombaumo to dosa-dosa' anu talalo ma'idek; ia nonsombahmo pilogot susumo anu lewa' nu bau nu mian Amori, aijo'mo to mia-mian anu i laa'mo nu Tumpu nosabat i Kana'an tempo'nyo mian nu Israel nompinsopimo lipu' aijo'.

EZRA 9:11

anu binee'mo nu Belento hi kami, pipinoto'imo mae nu to nabi-nabi to posa-posaihon nu Belento. Aha nompoto'imo hi kami tukoonyo tano' anu kahanda'mo o joongi mami aijo' madi'mo sinusi' kalana iwi-iwi' na mian anu monjoongi lengkat pe'e i pusnyo sa'angu' toka i pusnyo sa'angu' nombaumo anu mahumimi' ka' nahenyumo.

MAZMUR 106:38

Aha nombubusakonmo baso' nu mian anu madi' kosala'nyo, baso' nu posi to ana-anak nu aha, da okolobanakon hi to pilo-pilogot; sahingga lipu' nu aha aijo', i ngedeanmo nu aha.

MAZMUR 89:32

de aha madi' mompajuli anu tinantukan-Kumo ka' madi'mo montuluti atulan-Ku,

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YESAYA 26:21

Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.

YEREMIA 14:10

Mongkona bansa aijo', Tumpu notataemo, “Aku madi'mo sinanang hi mian haha aijo' anu saja' mopalai mompala'i Aku, ka' madi' mongka'oho' mongkuasai butong nu aha.”

YEREMIA 16:18

Dosa' tiba palabuatan ma'idek nu aha Ku balosakonmo nu hukuman pinduan lipat, kalana aha nohenyuimo lipu'-Ku nu pilogot manjoo' hondo. Pilogot haha aijo' madi' konyawanyo sumomo ahi' bangke' nu mian anu sinilakamo.”

YEREMIA 2:7

Namba ilipu' anu ma'omuk Aku na nomboa aha da molasaimo hasin nu tano'nyo ka' iwi-iwi' na anu ma'ima ikiijo' mae. Panyo ikiijo' mae tano'-Ku ihumimi'anmo nu aha ka' anung-Ku pinojadimo nu aha susumo sa'angu' na balang anu okahegatimo.

YEREMIA 5:29

Panyo, Aku, Tumpu, mohukumje aha kalana palabuatan haha aijo' iwi-iwi'; Ku balosimo na palabuatan-palabuatan nu bansa aiya.

YEREMIA 5:9

Apaa madi' pantasmo ahi' na Aku mohukumo bansa anu susumo aijo' ka' mombalosimo apaa na anu binaumo nu aha?

YEREMIA 9:9

Te misa'o konanyo na bansa susumo aiya ka' madi' Ku nabu'akon na hukuman anu memang konanyomo ahi'? Ku balosakonmo na palabuatan nu aha Aku, Tumpu, notataemo!”

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 9:9

Talalo hondo ma'idek na palabuatan nu belemiu sumo anu toho'mo binau nu aha mian Gibea, Tumpu monginau'mo kasala'an nu belemiu ka' mohukumo belemiu kalana dosa' nu belemiu.

IMAMAT 18:28

da belemiu boli o hukum ka' Nu laa'mo madi' timbali jojoong i tano' aijo'. Susumo to mia mian anu madi' monsumbu' Tumpu, anu jinojoongmo kiijo' mae ma'isa pe'e kino belemiunyo.

ROMA 8:22

Osumbu'to sampe toka tempo' uuka aiya songko-songko na dunia notusa'mo kalana nongoa'imo sansala, sumo samian na totina mongoa'i sansala de mompohampemo anak.

PO'ULE' INGULIT 18:12

Mian anu mombau bauon anu toto ma'i-ma'idek haha aijo' nuka'ideki nu Tumpu Allah nu belemiu ka' aijo'mo na sababnyo sahingga bansa haha aijo' i laa'-Nyomo nompala'i belemiu.

PO'ULE' INGULIT 21:23

anu sinilakamo aijo' madi' timbali opojohok ikiijo' sampahu, panyo tionyo ahi' o lamunmo i sinaa aijo'. Anu sinilakamo aijo' kala-kalayo' i kau' anu pinototon, timbali monsaduakon lipu' nukutuki nu Tumpu Allah. Jadi lamunmo ahi' na anu sinilakamo aijo' da boli mohumimi'i lipu' anu binee'mo nu Tumpu Allah nu belemiu hi belemiu.