IMAMAT 18:24 - KITAB NU TUMPU ALLA LELE MA'IMAI'

²⁴ Boli mohumimi'i butong nu belemiu nu palabuatan haha aijo' kalana tiba han anu sumo aijo' to bansa-bansa anu jojoong i Kana'an, ma'isa pe'e kino belemiunyo nohumimi'imo butong nu aha. Kalana aijo' Tumpu nolaa'mo aha, da belemiu timbali monjojoongi lipu' aijo'.

IMAMAT 18:24 ပူးပေါင်းရင်းမြစ်များ

KAJADIAN 15:16

Salatan patolapismo na anu o lee'akon, to maku-makumpu nu beleyum po'ule'mo minsusule' mae i aiya, kalana Aku madi' molaa' mian nu Amori, de ma'isa pe'e kalakuan nu aha jadimo ma'idek hondo. Sahingga palalumo ahi' o hukum.”

1 TOMU-TOMUNDO' 9:7

saba' Ku laa'mo na mian nu Israel anu pinalesayamo hi beleng-Ku haha aijo' da bolimo jojoong i lipu' anu binee'-kumo hi aha. Ka' mule' Ku pala'imo na Laigan aiya anu tinantukan-Kumo bau ponsomban Aku. Iyaya mae mian nu Israel saja' opopo ambang ka' okokojoi.

2 TAWARIKH 33:2

Ia binaladosa'mo hi Tumpu kalana nombatukimo hahan anu ma'idek anu saja' nubau nu to bansa-bansa sangga'at, anu i laa'mo nu Tumpu bolimo jojoong i Kana'an tempo'nyo mian nu Israel ninsoopmo i lipu' aijo'.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

MAZMUR 106:39

Kalana hahan anu binaumo nu aha aijo' sahingga aha suele naidekmo, ka' madi'mo nontuluti Tumpu.

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

YEHEZKIEL 36:17

“O manusia anu madi' tumuu' batu, tempo'nyo aha mian Israel jonojoongmo ilipu' nu aha, palabuatan nu aha nohumimi'imo butong nu aha. Ku anggap na palabuatan nu aha aijo' anu ahi' madi' pantas obau pokakanamo sumo boune anu hau-haunyo tinokamo na adat nu aha boune.

IMAMAT 18:3

Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

IMAMAT 18:30

Sahingga Tumpu notataemo, “Otuluti na atulan haha aiya anu Ku bee' ka' boli montiho palabuatan nu to mia-mian anu monjojoongi tano' nu Kana'an ma'isa pe'e kino belemiunyo. Boli oposi humimi'i na butong nu belemiu nu palabuatan haha aijo'. Akumo na Tumpu Allah nu belemiu.”

NOMBILANGMO 35:34

Boli mohumimi'i tano' anu ojojoongi nu belemiu, kalana Akumo na Tumpu, ka' Aku jojoongmo atina' hi belemiu bansa Israel.”

1 KORINTUS 3:17

De ko anu mongidei Laigan nu Tumpu, Tumpu suele mongidei mian aijo'. Kalana Laigan nu Tumpu samata-mata ola Tumpu na tumpunyo, ka' laigan aijo' atina'mo komiu.

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

PO'ULE' INGULIT 18:12

Mian anu mombau bauon anu toto ma'i-ma'idek haha aijo' nuka'ideki nu Tumpu Allah nu belemiu ka' aijo'mo na sababnyo sahingga bansa haha aijo' i laa'-Nyomo nompala'i belemiu.

PO'ULE' INGULIT 9:4

Noko laa' aha na Tumpu Allah nu belemiu, kalana monsangaja'i belemiu boli monsangka belemiu Nu boamo mokiijo' da mongalamo tano' aijo' kalana belemiu ma'ima' ka' nombaumo pongka'oho' nu Tumpu Allah miu, sahingga pantas na montalima. Totu-totu'u madi'! Tumpu nolaa'mo bansa haha aijo' kalana monsangaja'i belemiu, kalana aha ma'idek na gau'nyo. Tumpu nompobee'mo belemiu mongala tano' nu aha, kalana Ia ka'oho' mongganapi janji-Nyo hi mompolee' miu i Abraham, i Ishak ka' i Yakub.

TO MIA-MIAN KOPIAN 20:10

Aha sampulu' na bahagian na to momo'ane nu Israel iwi-iwi', sambahagian na momposadia anu okaan nu aha anu mamba mahampate. Ka' sangga'at na mamba montumbuhi Gibea da o hukum na aha kalana nombaumo anu ma'idek hi aha mian nu Israel.”

TO MIA-MIAN KOPIAN 20:5

Lantas to mia-mian nu Gibea tinokamo pihi-pihi molio aku. Aha tinokamo mae nontumbuhi laigan anu kinasonso'anku kahanda' mompateimo aku, ka' nompasala'mo ambahue'ku sampe i nate.

TO MIA-MIAN KOPIAN 20:6

Sahingga ingalangkumo na bangke'nyo ka' pinado-padotkumo na ia, lapas aijo' pinakatungkumo hi sampulu' ka' ohua' na tulunan nu bansanto toto sa'angu, sampadot. Binaungku na aijo' kalana mian nu Gibea haha aijo' nombaumo anu ma'idek ka' nongambangimo mian nu Israel.