IMAMAT 18:22 - KITAB NU TUMPU ALLA LELE MA'IMAI'

²² To momo'ane madi' timbali moduhus tiba sangko mo'anenyo; Tumpu Allah mongka'ideki palabuatan aijo'.

IMAMAT 18:22 ပူးပေါင်းရင်းမြစ်များ

KAJADIAN 19:5

Aha noloboo'imo i Lot ka' nompokilawa, “Iya na to mia-mian anu tinoka mae nale' i laigan nu beleyum? Bee' mae na aha, da okamale'i mami na aha!”

1 TOMU-TOMUNDO' 14:24

I tampat haha aijo'na lewa' pasala'an nu aha salaku bau ponsombah pilogot. Ka' mule' to momo'ane obee'i kalaja da mombau kalakuan masala' aijo'. Mian nu Yehuda nombaumo kalakuan anu ma'idek sumo aijo', han aijo' tiniho nu aha iwi-iwi' hi to bansa-bansa anu ila'mo nu Tumpu tempo'nyo mian nu Israel ninsoopmo ilipu' aijo'.

IMAMAT 20:13

De ko mo'ane moduhusmo tiba sangko mo'anenyo sangga'at aha nombaumo palabuatan anu ma'idek ka' moko ambang, ka' ua-ua'aha tionyo o hukum mate. Aha nate kalana posi kasala'an nu aha.

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

PO'ULE' INGULIT 23:18

Ka' mule' suele doi anu o humpak nu aha kalana masala' aijo' madi' timbali oboa i laigan nu Tumpu Allah nu belemiu bau pombayan anu i niatakonmo, kalana Tumpu Allah nu belemiu mongka'ideki anu masala' i tampat-tampat ponsomban pilogot ka' tambonyo nu aha anu nasala'mo.

1 TIMOTIUS 1:10

mongkona to mia-mian anu lewa' masala', talalo napisu nyo, lewa' mompopalaihakon to ana-anak talalo baleko'; to saki-sakisi baleko', ka' maumo ihe na mombau hahan anu mompaha sala' tiba pangajalan anu totu'u.

YUDAS 1:7

O inau' singkona na kota nu Sodom ka' Gomora tiba to kota-kota anu mompaha ohani, mian anu jojoong i kiijo' nombaumo sumo hahan anu binaumo nu malaikat haha aijo'. Aha nombaumo hahan masala' ka' anu palaganta, sahingga aha sinakisamo nu hukuman apu, anu sampe toka sidu-sidutu', da bau pompokinde'i hi iwi-iwi' na mian.

TO MIA-MIAN KOPIAN 19:22

Hau-haunyo aha kiijo' balasanang-sanang, monti-montiik laigan aijo' tinumbuhanmo nu aha to mia-mian anu madi' talakana' i kota aijo'. I lengku-lengkutmo nu aha na tumban ka' notatae hi tu'anyo aijo', “Bee' mae hi kami na mo'ane itina' anu pinosoopmo nu beleyum i laigannum da opasala'i mami na ia!”