IMAMAT 18:21 - KITAB NU TUMPU ALLA LELE MA'IMAI'

²¹ Boli mombee' sala' samian na anak nu beleyum bau koloban ponsombah pilogot Molok, kalana palabuatan anu sumo aijo' mongambangimo sanggo nu Tumpu Allah, Tumpu nu belemiu.

IMAMAT 18:21 ပူးပေါင်းရင်းမြစ်များ

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

1 TOMU-TOMUNDO' 11:7

Aita i bungkutnyo sasu kabete'an Yerusalem ia nombaumo bau ponsomban Kamos pilogot nu aha mian Moab, ka' mule' bau ponsomban Molokh pilogot nu aha mian Amon – ohu-ohua' aijo' pilogot anu okabaati.

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 17:31

mian nu Awa nombau patong Nibhas, ka' Tartak, ka' mian nu Safarwaim nonsombahkonmo to ana-anak nu aha salaku koloban anu opotunu osombahkon hi pilogot Adramelekh ka' hi Anamelekh.

2 TOMU-TOMUNDO' 21:6

Anaknyo sinombahkonnyomo salaku koloban anu pinotunu. I Manasye mule' lewa'mo binasando monggulu'i pangatahuan anu toto ide-idek, ilimu' anu madi' oto-toa, ka' lewa' montunde' tominuat. Ia binaladosa'mo hondo hi Tumpu sahingga ia notambuha'mo hondo.

2 TOMU-TOMUNDO' 23:10

Tofet, aijo'mo tampat ponsomban pilogot i Bangka' nyo nu Hinom i humimi'anmo. Tiba jalan anu sumo aijo' madi'mo daagi' ko mian anu timbali monsombahkon anaknyo salaku koloban anu opotunu ka' osombahkon hi Pilogot nu Molokh.

2 TAWARIKH 28:3

ka' mompapui kamangian i bangka'nyo nu Himon. Ka' mule' posi anaknyo momo'ane sinombahkonnyomo binau koloban hi pilogot, susumo kabiasa'an anu ma'idek anu saja'mo nubau nu to mia-mian anu i laa'mo nu Tumpu da bolimo jojoong i lipu' Kana'an tempo'nyo mian nu Israel ninsoopmo i lipu' aijo'.

YEREMIA 19:5

Ahanombauimo Baal mezbah da bau ponsombahkonan to ana-anak nu aha salaku koloban anu opotunu, padahan Aku madi' ahi' toho' nompalentah aha mombau han anu sumo aijo', pakalaus madi' ahi' toho' sininsumbu' i uno nu pikilan-Ku na tanga'an anu sumo aijo'.

YEREMIA 32:35

Aha nombaumo mezbah-mezbah bau ponsomban Baal i Bangka'nyo nu Hinom, ka' nonsombahkonmo to ana-anak nu aha hi Pilogot Molokh. Padahan Aku madi' toho' nompalentah aha da molakukan han susumo aijo' ka' mule' madi' toho' tinolosinsumbu' i uno nu pikilan-Ku au' aitu aha timbali mombau palabuatan anu ma'idek hondo aijo' ka' nonsaduakonmo aha mian nu Yehuda da binaladosa'mo.”

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

YEHEZKIEL 20:26

Pinojohok-Kumo na aha nohumimi'imo butong nu aha sola-sola'mo nongkolobanakonmo anu posi kinolobanakonmo nu aha ka' mule' to ana-anak mo'ane nu aha anu tumpenyo kinolobanakonmo nu aha. Tiba jalan anu sumo aijo' na bau pohukum-Ku aha da nu sumbu' nu aha taalu' Akumo ahi' na Tumpu.

YEHEZKIEL 20:31

Ka' mule' sampe sinaa uuka aiya belemiu suele ahi' mohumimi'i butong nu belemiu momomboamo palasombahan ka' mompapuimo to ana-anak nu belemiu salaku koloban hi to pilo-pilogot. Lantas daagi' mule' ahi' na belemiu momoita mae pokinde' hi beleng-Ku? Atas sanggong-Ku, Tumpu anu tumuu', Tumpu Anu Matangkas na Kuasanyo, belemiu madi'mo Ku pobee' momoita mae pokinde' hi beleng-Ku.

YEHEZKIEL 23:37

Aha sola'mo nasala' ka' mule' sola'mo nompatei, aha nasala'mo tiba to pilo-pilogot ka' nompateimo to ana-anak-Ku anu ihampeakon nu aha. Anak haha aijo' sinombahkonmo nu aha hi to pilo-pilogot nu aha.

IMAMAT 19:12

Boli balajanji' ototoangakon hi sanggong-Ku de belemiu madi' ko kahanda' mongganapi janji' aijo', kalana tiba jalan anu sumo aijo' belemiu mongambangimo sanggong-Ku. Akumo na Tumpu Allah nu belemiu.

IMAMAT 21:6

Ia samata-matamo anung-Ku ka' mombau anu Ku palentahkon ka' madi'mo timbali mombusiki sanggong-Ku. Ia monsombahkon koloban kaanon hi beleng-Ku, jadi ia tionyo ahi' susi'.

IMAMAT 22:2

da mompotokakon palentah aiya hi Harun ka' hi to ana-anaknyo, “Obau ahi' susumo anu sapantasnyo apaa na anu nu sombahkon nu aha bansa Israel anu obee' samata-mata hi beleng-Ku, da boli mombusiki sanggong-Ku anu susi'. Akumo na Tumpu.

IMAMAT 22:32

Boli mombusiki sanggong-Ku anu susi'. Iwi-iwi' na aha bansa Israel tionyo ahi' monsombah Aku salaku Anu Susi' hondo. Akumo na tumpu, ka' Akumo na mompotimbali belemiu susi'.

IMAMAT 24:15

Lapas aijo' bebakonmo na aiya hi bansa Israel. De ihe na montotobi'akon Tumpu Allah tionyo ahi' montalima apaa na anu jadi saidi' mae,

AMOS 2:7

Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

AMOS 5:26

Panyo uuka aiya belemiu ola monsombah i Sakut anu osumbu' nu belemiu, tomundo nu belemiu aijo' ka' i Kewan, binatang anu osombah nu belemiu. Kalana aijo' to pato-patong anu naipuan mae binaumo nu belemiu tionyo ahi' oboa nu belemiu.

MIKHA 6:7

Pa' Tumpu sanang ahi' de kita momboa hi Ia momada-madala na domba kabai molabi-labi na lanya' nu zaitun? Pa' tionyo ahi' na kita monsombahkon hi Ia anakto anu tumpenyo salaku bau pontobus iwi-iwi' na dosa'to?

MALEAKHI 1:12

Panyo belemiu na ola ahi' mongalu Aku kalana monsangka mezbah-Ku anu madi' ko angga'nyo ka' monsombahkon ikiijo' kaanon anu madi'mo mingguna hi belemiu.

SISIKON NU TO RASUL-RASUL 7:43

Kemahmo nu pilogot Molokh (sanggo nu pilogot nu mian Simitis) na opoboa-boa miu tiba patong binatang nu pilogot miu, aijo'mo i Refan; te patong anu binau miu da osombah. Kalana aijo' Ku alinje na komiu sampe majo'on mokiijo' i sambiha' nu lipu' Babel.’

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

ROMA 2:24

I uno nu Kitab nu Tumpu tinulis sumo uuka, “Kalana komiu to mia-mian nu Yahudi, sahingga sanggo nu Tumpu binusikanmo i tonga-tonga' nu bansa-bansa sangga'at.”

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

PO'ULE' INGULIT 18:10

Atina' hi belemiu boli ko anu monsombahkon to ana-anaknyo salaku bau koloban anu opotunu. Ka' mau pe'e ola samian boli timbali mian anu lewa' montahi'i molio tanda pa' apaa na jadi, mompake ajimat-ajimat, kabai