IMAMAT 18:19 - KITAB NU TUMPU ALLA LELE MA'IMAI'

¹⁹ Boli moduhus tiba samian na boune de daagi' ko adat nu aha boune, kalana ia daagi' mahumimi'.

IMAMAT 18:19 ပူးပေါင်းရင်းမြစ်များ

2 SAMUEL 11:4

I Daud nonsaimo mian da mamba mompoboa boune aijo' ka' salatan tinokamo i laigan nu tomundo' kinamale'anmo i Daud na boune aijo'. (I Batsyeba salaje' nompilapasi nombau adat nomposusi' butongnyo kalana salaje' ilapas na adat nu aha boune). Lantas ia ninsusule'mo ilaigannyo.

YEHEZKIEL 18:6

Ia madi' monsombah pilogot nu aha Israel kabai mongkaan koloban palasombahan itampat-tampat ponsomban to pilo-pilogot. Ia madi' toho' monggoda bengkele' nu mian sangga'at kabai moduhusmo boune anu tinokamo na adat nu aha boune.

YEHEZKIEL 22:10

Daagi' ko mian anu monggoda ka' mompatiduhusi tinanyo te silabo'nyo, ka' mule' boune anu hau-haunyo tinokamo na adat nu aha boune.

IMAMAT 12:2

kona hi bansa Israel. De samian na boune mompohampe anak mo'ane, saba' pitun sinaa na kopinnyo boune aijo' mahumimi'mo sumomo tempo'nyo ia hau-haunyo tinokamo na adat nu boune.

IMAMAT 15:19

Samian na boune anu hau-haunyo tinokamo na adat nu aha boune, mahumimi'mo pitun sinaa na kopinnyo. Ihe na monsala' kanyang ia mahumimi'mo sangkutnyo sinaa makakinsapmo.

IMAMAT 15:24

De samian na mo'ane moduhusmo tiba boune anu hau-haunyo tinokamo na adat nu aha boune, mo'ane aijo' suele mahumimi'mo kopinnyo pitun sinaa, ka' batu-batu tampat kamale'an anu kinamale'annyomo suele nahumimi'mo.

IMAMAT 18:18

Boli mo'osoa tiba boune utus nu bengkele' nu belemiu de daagi' bengkele' nu belemiu tutuu'.

IMAMAT 20:18

De ko samian na mo'ane moduhusmo tiba samian na boune anu hau-haunyo tinokamo na adat nu boune, aha madi'mo timbali oposoop mian anu pinalesayamo hi beleng-Ku.