IMAMAT 17:15 - KITAB NU TUMPU ALLA LELE MA'IMAI'

¹⁵ Batu-batu aha mian Israel kabai mian anu lengkat mae i salipu'an anu mongkaan antoknyo nu binatang anu nosi pate kabai nate sina'u nu binatang mahangas anu mongkaan sangko binatangnyo tionyo ahi' mombaso'i baju'nyo lantas mindi', ka' jojoong sangkutnyo sinaa makakinsapmo, atina'je ka' ia binelesi'mo.

IMAMAT 17:15 ပူးပေါင်းရင်းမြစ်များ

NOSABATMO 22:30

ka' suele sapi' ka' domba lakinyo anu momona inganakakon. Pobee' pe'e na binatang haha aijo' mojajalan tiba tinanyo pitun sinaa na kopinnyo lantas bee'mo mae hi beleng-Ku i sinaa ko ialunnyomo.

NOSABATMO 22:31

Belemiu mian anu pinalesayamo hi beleng-Ku, kalana aijo' mau mule' binatang apaa na anu nu sa'u nu sangko binatangnyo, madi' timbali okaan nu belemiu na antoknyo; bee'mo na aijo' hi to dede-dedeng.”

YEHEZKIEL 4:14

Panyo tinaamankumo, “Ebeh Tumpu Anu Matangkas Na Kuasanyo! Daagi' pe'e ise-ise' sampe tempo uuka aiya na aku ma'isa toho' nohumimi'i butongku pa' nongkaanmo binatang anu nosipate kabai tuha' nu anu kinaanmo nu binatang anu mahangas Ma'isa toho' aku nongkaan kaanon anu o'anggap madi' toho' okaan.”

YEHEZKIEL 44:31

Tomonsi' tiba binatang sangga'at anu mosi pate, kabai anu nu sa'u nu binatang anu mahangas madi' timbali nu kaan nu to ima-imam.”

IMAMAT 11:24

Toto samian timbali mahumimi' sangkutnyo sinaa makakinsapmo de ia monsala' kanyangmo sala'sa'angu' na bangke' nu binatang haha aiya: binatang anu ko konukunyo, tala kasuali anu ko konukunyo mobiha' ohua' ka' mongotot nu lonyom panyo po'ule' nu ama', ka' binatang anu ko tengkenyo opat ka' ko konukunyo mantan. Ihe na momboa bangke' nu binatang anu sumo aijo' tionyo ahi' mombaso'i baju'nyo, panyo ia tataap mahumimi' sangkutnyo sinaa makakinsapmo.

IMAMAT 11:31

Ihe na monsala' kanyang binatang aijo', kabai bangke'nyo timbali mahumimi' sangkutnyo sinaa makakinsapmo.

IMAMAT 11:32

De bangke' nu binatang aijo' manabu' i sa'angu' na balang, saba' balang aijo' timbalimo suele mahumimi'. Han aijo' suele mahumimi' de kona hi iwi-iwi' na ngahan nu balang anu kau' na binau, hude, kilit, kabai kalung, ka' madi' ko apa-apaanyo de balang aijo' opake pa' bau apaa. Balang aijo' tionyo ahi' opo omok pe'e i uee, panyo tataap mahumimi' sangkutnyo sinaa makakinsapmo.

IMAMAT 11:39

Ihe na monsala' kanyangmo bangke' nu binatang anu timbali okaan, timbalimo mahumimi' sangkutnyo sinaa makakinsapmo.

IMAMAT 11:40

Mian anu momboa kabai mongkaan bangke' aijo' tionyo ahi' mombaso'i baju'nyo, panyo ia tataap sabole-bole mahumimi' sangkutnyo sinaa makakinsapmo.

IMAMAT 15:10

Ihe na monsala' kanyang apa-apaa na anu sinuhanganmo nu mian aijo', ia nahumimi'mo sangkutnyo sinaa makakinsapmo. Batu-batu mian anu mohangkat balang aijo' tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

IMAMAT 15:21

Ihe na monsala' kanyang tampat anu kinamale'annyomo kabai sinuhangannyomo nu boune aijo' anu hau-haunyo tinokamo na adat nu aha boune, tionyo ahi' mombaso'i baju'nyo ka' mindii', ka' ia mahumimi'mo sangkutnyo sinaa makakinsapmo.

IMAMAT 15:5

Ihe na monsala' kanyang mian anu, ko anu i lumene mae aijo' kabai anu kinahoyotannyo aijo', kabai sinumuhang i tampat kinasuhangannyo, kabai anu pinitupe'an nu mian aijo', ia tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

IMAMAT 22:8

Ia opoliwa' boli mongkaan antok nu binatang anu mosi pate kabai anu sina'u nu binatang anu mahangas. De nu kaanmo, ia timbalimo mahumimi'. Akumo na Tumpu.

IMAMAT 7:24

Lompo'nyo nu binatang anu nosi pate kabai anu sina'u nu binatang mahangas anu mongkaan sangko binatangnyo madi' timbali okaan panyo timbali opake i kapalaluan sangga'at.

NOMBILANGMO 19:19

Ia tionyo ahi' mompipi'i i sinaa ko itolunnyo ka' ko ipitunnyo. I sinaa ko ipitunnyo aijo' lapasmo na atulannyo momposusi' mian anu nahumimi'mo aijo'. Mian aijo' tionyo ahi' mombaso'imo baju'nyo ka' mindii'mo. Mulai sinaa makakinsapmo ia belesi'mo.

NOMBILANGMO 19:21

Atulan aijo' opake sampe toka sidu-sidutu'. Mian anu mompipi'akon uee anu opake i atulan aijo' tionyo ahi' mombaso'i baju'nyo, ka' to mia-mian anu nukonamo nu uee aijo' mahumimi'mo suele sangkutnyo sinaa makakinsapmo.

NOMBILANGMO 19:8

Mian anu nompotunu sapi' aijo' suele tionyo ahi' mombaso'i baju'nyo ka' mindii'mo, ia suele daagi' mahumimi' sangkutnyo sinaa makakinsapmo.

PO'ULE' INGULIT 14:21

Binatang anu mosi pate madi' timbali okaan nu belemiu, panyo mian anu lengkat mae i salipu'an anu jojoong atina' hi belemiu timbali mongkaan kabai opobaluk hi bansa anu lengkat mae i salipu'an. Belemiu mian anu pinosi pogala'mo nu Tumpu Allah da mombau anu Nu pokauhakon. Antoknyo nu anak nu domba kabai anaknyo nu mee' madi' timbali o kola' tiba susu nu tinanyo.”

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.