IMAMAT 16:6 - KITAB NU TUMPU ALLA LELE MA'IMAI'

⁶ I Harun tionyo ahi' monsombahkon sa'angu' na sapi' lakinyo bau koloban pongampuni dosa' nu posi butongnyo ka' aha salaigan.

IMAMAT 16:6 ပူးပေါင်းရင်းမြစ်များ

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

YEHEZKIEL 43:19

Ola ahi' imam lee' mae i Zadok anu lee' mae nu tulunan nu bansa Lewi na timbali toka mae i ahop-Ku mongatun palasombahan osombahkon. Aku, Tumpu Anu Matangkas na Kuasanyo na nompalentahkonmo han aijo'. Bee'i na aha sa'angu' na sapi' mo'anenyo anu daagi' bata'nyo da bau koloban pongampuni dosa'.

YEHEZKIEL 43:27

Salatan lapasmo pitunsinaa na nosadia to ima-imam tionyomo ahi' montampu'unimo monsombahkon koloban aijo' i mezbah, koloban anu opotunu tiba koloban anu bau pompodame kona hi aha mian. Sahingga Aku sanangmo hi belemiu iwi-iwi'. Aku, Tumpu Anu Matangkas na Kuasanyo notataemo.”

IMAMAT 16:3

Ola de monsombahkonmo sapi' lakinyo bau koloban pongampuni dosa', ka' mule' sa'angu' na domba lakinyo bau koloban anu opotunu, yo i Harun timbali minsoop i Salipi' anu Susi' hondo.”

IMAMAT 16:7

Ohu-ohua' na mee' lakinyo aijo' anu lengkat mae hi aha mian Israel tionyo ahi' nu boa i ahop nu sabatan nu Kemah nu Tumpu.

IMAMAT 9:7

Lapas aijo' ia notataemo hi Harun, “Lako'mo i mezbah ka' toukaimo na koloban bau pongampuni dosa' ka' koloban anu opotunu, da dosa' nu beleyum ka' dosa' nu mian nu ampunimo nu Tumpu. Bau na aijo' susumo anu pinalentahkonmo nu Tumpu.”

IBRANI 7:27

Ia madi' sumo to ima-imam daka' sangga'at, anu toka sansina-sinaa tionyo monsombahkon koloban kalana posi dosa'nyo iwi-iwi', lapas aijo' atina'je ka' kalana to dosa-dosa' nu mian anu palesayamo. I Yesus nonsombahkon koloban ola ninsan panyo tinanggungnyomo sampe toka sidu-sidutu', tempo'nyo Ia nonsombahkonmo posi butong-Nyo salaku bau koloban.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.

IBRANI 9:7

Anu minsoop i uno nu kemah anu kiijo' hondo-hondo i unonyo nu kemah aijo', ola Imam Daka'. Ia mombau kalajanyo ola minsan sataun. Aijo' nu kalaja momboa baso' da osombahkon hi Tumpu kalana dosa' nu butongnyo ka' kalana to dosa-dosa' anu madi' sangaja' na binau nu mian anu palesayamo hi Tumpu.