IMAMAT 16:5 - KITAB NU TUMPU ALLA LELE MA'IMAI'

⁵ Lantas mian nu Israel tionyo ahi' mombee' hi Harun ohua' na mee' lakinyo bau koloban pongampuni dosa' ka' sa'angu' na domba lakinyo bau koloban anu opotunu.

IMAMAT 16:5 ပူးပေါင်းရင်းမြစ်များ

2 TAWARIKH 29:21

Da bau koloban pongampuni dosa' hi auwan i tomundo ka' hi mian da'isan nu Yehuda ka da bau pomposusi' Laigan nu Tumpu, aha nomboamo 7 na sapi' lakinyo, 7 na domba lakinyo, 7 na anak nu domba, ka' 7 na mee' lakinyo. I tomundo nompalentahmo to ima-imam lee' mae i Harun da monsombahkon binatang haha aijo' i mezbah salaku koloban anu opotunu.

EZRA 6:17

I lamean aijo' aha nonsombahkonmo hi Tumpu 100 na sapi' lakinyo, 200 na domba lakinyo ka' 400 na anak nu domba. Bau koloban pongampuni dosa' sinombahkonmo sampulu' ka' ohua' na mee' lakinyo, anu tinanggungkan mae hi aha totosa'angu' natulunan nu bangsa Israel sa'angu'na mee' lakinyo.

IMAMAT 1:10

De anu osombahkon sa'angu' na domba kabai mee', binatang aijo' tionyo ahi' lakinyo ka' madi' ko panyakitnyo.

IMAMAT 4:3

De anu baladosa' Imam Daka', sahingga bansa Israel suele sala'mo, ia tionyo ahi' mongkolobanakon sa'angu' na sapi' lakinyo anu daagi' bata'nyo ka' anu madi' ko panyakitnyo hi Tumpu da dosa'nyo o ampuni.

IMAMAT 8:14

Lapas aijo' i Musa nongalamo sa'angu' na sapi' lakinyo anu daagi' bata'nyo bau koloban pongampuni dosa'. I Harun tiba to ana-anaknyo nompotiikmo lima nu aha i ubak nu binatang aijo'.

IMAMAT 8:2

“Laga na i Harun tiba to ana-anaknyo ka' boa na baju' nu imam, lanya' anu opake mombalakati, sa'angu' na sapi' lakinyo anu daagi' bata'nyo da bau koloban pongampuni dosa', ohua' na domba lakinyo ka' sa'angu' na loyang na roti anu madi' ko raginyo.

IMAMAT 9:2

Koonyo i Musa hi Harun, “Ala mae sa'angu' na sapi' lakinyo anu daagi' bata'nyo ka' sa'angu' na domba lakinyo, ohu-ohua' aijo' anu madi' ko panyakitnyo. Sombahkon ohu-ohua' na binatang aijo' hi Tumpu, sapi' lakinyo bau koloban pongampuni dosa' ka' domba lakinyo bau koloban anu opotunu.

NOMBILANGMO 29:11

Sombahkonmo suele sa'angu' na mee' lakinyo da bau pongampuni dosa' nu mian, jadi misa ola koloban pongampuni dosa' ka' koloban anu opotunu sansina-sinaa tiba koloban kaanon ka' koloban anggur na anu osombahkon i sinaa aijo'.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.