IMAMAT 16:29 - KITAB NU TUMPU ALLA LELE MA'IMAI'

^29-31 Atulan haha aiya tionyo ahi' otuluti sampe toka sidu-sidutu'. Toka i tanggal sampulu' bitu'on ko popitu'nyo aha mian nu Israel ka' aha mian anu lengkat mae i salipu'an anu jinojoongmo aijo' hi aha tionyo ahi' bapuasa' ka' madi'mo timbali mokalaja, kalana sinaa aiya, sinaa anu susi' hondo. I sinaa aijo' tionyo ahi' mombau anu bau pomposusi' bansa Israel i dosa nu aha da aha belesi'mo.

IMAMAT 16:29 ပူးပေါင်းရင်းမြစ်များ

1 TOMU-TOMUNDO' 8:2

Sahingga tinokamo na aha iwi-iwi' i Sina nu Lamean tempo'nyo aitu nombaumo Tahop atopnyo hon nu kau' i bitu'on Etanim.

EZRA 3:1

I bitu'on kopopitu'nyomo, mian nu Israel haha aijo' tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha sinihukmo i Yerusalem,

EZRA 8:21

Lantas i sohipi' nu Kaunyo Ahawa aijo' pinoto'ingkumo tukoongku iwi-iwi' tionyo ahi' bapuasa' ka' mangaku kasala'an hi Tumpu Allah. Kami binalado'amo da kami nujagai nu Tumpu hau-haunyo lumajang aijo', ka' montoa mae kami, to ana-anak mami ka' apa-apaa na anu mami.

MAZMUR 35:13

Tempo'nyo aha nasakit aku sinusa'mo ka' madi'mo nongkaan; aku natidukumo ka' binalado'amo,

MAZMUR 69:10

Tahahumo hondo na aku monginde'i Laigan nu Belento kalana ku ka'ima'i, mian mongkokojoi, mompopo'ambang Belento suele aiya kinonamo mae hi butongku.

NOSABATMO 12:16

I sinaa anu momona, ka' suele i sinaa anu ko pipitu'nyomo, belemiu sihukmo da monsombahmo. I sinaa aijo' belemiu madi' timbali mombau hia mau mule' pa' apaa, boli mompiakon kapalaluan momposadia anu okaan.

NOSABATMO 20:10

panyo sinaa anu ko ipitunnyo aijo'mo na sinaa pilawean anu obee' hi beleng-Ku. I sinaa aijo' madi' ko samian pe'e na timbali mokalaja, mau belemiu mau pe'e to ana-anak nu belemiu, to posa-posaihon nu belemiu, potuu'on nu belemiu, kabai mian anu i salipu'an mae anu jojoong i lipu' nu belemiu.

NOSABATMO 30:10

Sataun minsan na i Harun tionyo ahi' mombau kalaja momposusi' mezbah tiba jalan mompipi'i tanduknyo opa-opat nu baso' aijo'mo baso' nu potuu'on anu kinolobanakonmo pongampuni dosa'. Han aijo' tionyo ahi' obau sataun toka sataun sampe toka sidu-sidutu'. Mezbah aijo' tionyo ahi' susi' songko-songko samata-mata opake bau kapalaluan-Ku.”

NOSABATMO 31:14

Sinaa pilawean aijo' sabole-bole o adati nu belemiu, salaku sinaa anu susi'. Belemiu Ku bee' anom sinaa na mokalaja, panyo sinaa ko ipitunnyo aijo'mo na sinaa daka' anu samata-mata mombau kalaja anu osombahkon hi beleng-Ku. Ihe na anu madi' mongadati, ka' ola mule' mokalaja, i sinaa aijo' tionyo ahi' mohumpak hukuman opatei.

YESAYA 58:13

Tumpu notatae, “Holomati na sinaa nu Sabat sinaa bau ponsomban Tumpu. Boli ola mongkalesang posi kapentingan nu belemiu isinaa aijo'. Lame'akon na sinaa aijo' salaku sinaa anu ma'ima'; holomati na sinaa nu Tumpu, boli mamba moyaya: boli mokalaja kabai montaloakon potatae anu madi' kokaliangannyo.

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

YESAYA 58:5

De belemiu puasa, belemiu monsakisa butong nu belemiu; belemiu mompoduku ubak nu belemiu susumo hon nu hemput. Belemiu mompolatas kalung ka' okakambuhi nu abu', ka' male'mo aijo'. Aijo'mo na osanggohi nu belemiu puasa'? Osangka nu belemiu Aku sanang i palabuatan nu belemiu aijo'?

DANIEL 10:12

Lantas ia notataemo mae hi belengku, “O, Daniel, boli mabuhuk. Tumpu nohongomo do'a nu beleyum daagi pe'e sinaa momonanyo beleyum nonongalamo kaputusan da ta'alukmo na butong nu beleyum da timbali pande. Aku tinokamo mae salaku baumo pontaami do'a nu beleyum.

DANIEL 10:3

Tempo'nyo aitu aku madi'mo nongkaan kaanon anu toto ima-ima' kabai ponoha'; aku madi'mo nonginum anggur ka' madi'mo mule' nonsubat ubak.

IMAMAT 23:21

Toka i sinaa aijo' belemiu tionyo ahi' sihukmo da monsombahmo Tumpu ka' madi'mo timbali mombau kalaja anu maboat. Atulan aijo' tionyo ahi' otuluti nu lee' nu belemiu sampe toka sidu-sidutu', maumo pa' iya mae na kajojoongan nu aha.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

IMAMAT 25:9

Lantas tanggan sampulu' bitu'on ko popitu'nyomo, aijo'mo na sinaa pongampunian dosa', pokaumo na mian mompo'onyi' tolompet iyaya mae songko-songko na lipu'.

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

NOMBILANGMO 29:7

Itanggan sampulu' bitu'on kopopitu'nyo belemiu tionyo ahi' sihukmo da monsombahmo Aku. Isinaa aijo' belemiu tionyo ahi' bapuasa'mo ka' madi'mo timbali mokalaja.

SISIKON NU TO RASUL-RASUL 27:9

Tempo'nyo aitu Sinaa Daka' Paladamean mian nu Yahudi noko lapasmo. Talalomo nanjoo' na tempo' mami i ningkot, sahingga misa'mo daagi' tempo'nyo na talabut ma'i-ma'ima'. Mokonyo aijo' i Paulus nombee'i pokinde' sumo uuka hi aha,

1 KORINTUS 11:31

Panyo de kita mompalesa pe'e butongto momona, kita madi' nu hukum nu Tumpu.

IBRANI 4:10

Kalana mian anu nohumpakmo pingkainan anu jinanji'mo nu Tumpu hi ia aijo', mingkain ahi' suele, ka' iwi-iwi' na pakalaja'annyo bolimo obau pokakana sumo hi Tumpu.

1 SAMUEL 7:6

Lantas aha sinihukmo iwi-iwi' kiijo' i Mizpa. Aha nontauk uee ka' mule' binubusakon salaku palasombahan hi Tumpu, ka' mule aha binapuasa'mo sinansinaa isinaamo aijo'. Aha notatae, “Kami binaladosa'mo hi Tumpu.” (Kiijo' i Mizpa i Samuel lewa'mo nongulus iwi-iwi' na palakala po ualian nu aha mian Israel.)