IMAMAT 16:24 - KITAB NU TUMPU ALLA LELE MA'IMAI'

²⁴ Lantas ia tionyo ahi' mindi'mo i sa'angu' na tampat anu samata-mata tinantukanmo bau pindi'annyo ka' mompusokmo posi baju'nyo ahi'. Lapas aijo' tionyo ahi' ia mosabatmo ka' monsombahkon koloban anu opotunu bau pongampuni dosa'nyo ka' dosa' nu bansa Israel.

IMAMAT 16:24 ပူးပေါင်းရင်းမြစ်များ

NOSABATMO 28:40

Bau na kameja, pombutu' ka' suluban anu nupake nu to ana-anak i Harun da aha otoa taalu' anu ahi' o adati.

NOSABATMO 28:41

Popusok na baju' aijo' hi Harun utus nu beleyum ka' to ana-anaknyo. Pipi'i nu lanya' nu zaitun na aha, tiba jalan anu sumo aijo' aha obalakatimo ka' samata-matamo mombau anu Ku palentahkon salaku Imam.

YEHEZKIEL 42:14

De to ima-imam lapasmo na mokalaja i Laigan nu Tumpu ka' kahanda'mo mamba ipopasan anu isambiha'nyo, saba' baju' anu samata-mata nu pusok nu aha de mokalajamo i Laigan nu Tumpu tionyo ahi' nu po una' nu aha isuo'nyo haha aijo'. Aha tionyoje ahi' mompusok baju' aijo' atina'je ka' aha mamba itampat kasihukan nu mian da'isan.”

IMAMAT 14:9

I sinaa ko ipitunnyo ia tionyo ahi' mongkismo ubaknyo iwi-iwi', ka' jangkutnyo, bangkulangnyo ka' iwi-iwi' na bulu nu butongnyo. Lantas ia tionyo ahi' mombaso'i baju'nyo ka' mindii' lapas aijo' atina'je ka' ia belesi'mo.

IMAMAT 16:25

Lompo'nyo nu binatang anu bau koloban pongampuni dosa' tionyo ahi' opotunu i mezbah.

IMAMAT 22:6

Samian na imam maumo pa' apaa na monsaduakon sahingga mahumimi'mo, tataapmo mahumimi' sangkutnyo sinaa makakinsapmo. Ka' de sinaa moko pakakinsapmo ia ma'isa timbali mongkaan kaanon anu sinombahkonmo hi Tumpu de ia ma'isa pe'e mindii'.

IMAMAT 9:7

Lapas aijo' ia notataemo hi Harun, “Lako'mo i mezbah ka' toukaimo na koloban bau pongampuni dosa' ka' koloban anu opotunu, da dosa' nu beleyum ka' dosa' nu mian nu ampunimo nu Tumpu. Bau na aijo' susumo anu pinalentahkonmo nu Tumpu.”

IBRANI 9:10

Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.