IMAMAT 16:21 - KITAB NU TUMPU ALLA LELE MA'IMAI'

²¹ Ia tionyo ahi' mompotiik limanyo ohu-ohua' i ubak nu mee' aijo' ka' mongakui iwi-iwi' na kasala'an, dosa' ka' anu i langgaanmo nu bansa Israel. Tiba jalan anu sumo aijo' iwi-iwi' na kasala'an nu bansa Israel i lalinmo nokiijo' i ubak nu mee' aijo'. Lantas samian na anu pinalentahmo da molaa'mo mee' aijo' da mambamo i padang bola.

IMAMAT 16:21 ပူးပေါင်းရင်းမြစ်များ

EZRA 10:1

Hau-haunyo i Ezra binalado'a ka' i humangmo ka' nongakuimo dosa' i ahop nu Laigan nu Tumpu, manjoo' hondo na mian nu Israel tinokamo sinihuk mau to momo'ane, kabai to boboune, ka' to ana-anak. Tinikubanmo nu aha na ia ka' singkapmo nolotando' na i humang.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

MAZMUR 51:3

Kalibosiakon mae na aku o Tumpu, kalana Belento tetap mongkalibosi, hapusakon na dosa'ku kalana kalibosan nu Belento anu daka' hondo.

NOSABATMO 29:10

Lapas aijo' sapi' lakinyo aijo' tionyo ahi' nuboamo i ahop nu Kemah-Ku. I Harun ka' to ana-anaknyo tionyo ahi' mompotik lima nu aha i ubak nu binatang aijo'.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

IMAMAT 1:4

Lantas ia tionyo ahi' mompotiik limanyo i ubak nu binatang aijo', sahingga anu sinombahkonnyo aijo' nutalimamo nu Tumpu bau pongampuni dosa'nyo.

IMAMAT 16:20

De lapasmo na mombau anu bau pomposusi' Salipi' anu Susi' hondo ka' bahagian sangga'at i Kemah nu Tumpu tiba mezbahnyo, i Harun tionyo ahi' monsombahkonmo hi Tumpu mee' anu daagi' tumuu' anu pinile'anmo bau bagi nu Azazel.

IMAMAT 16:22

Mee' aijo' nomboamo iwi-iwi' na dosa' nu bansa Israel i daerah anu mateges anu madi' ojoongi ka' tionyo ahi' opolapas na ia i padang bola aijo'.

IMAMAT 26:40

Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

IMAMAT 5:5

Toto sa'angu' na palakala aijo', mian anu ko sala'nyo tionyo ahi' mongakui kasala'annyo.

ROMA 10:10

Kalana mian palesaya i kinyonyoanyo, sahingga Tumpu nontalima ia salaku mian anu nompaha ima'mo tiba Tumpu. Ka' mule' tiba nganga'nyo mian mangaku, sahingga ia o posalamat.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.