IMAMAT 16:17 - KITAB NU TUMPU ALLA LELE MA'IMAI'

¹⁷ Salatanmo i Harun minsoopmo i Salipi' anu Susi' hondo, mombau anu bau pomposusi' sangkutnyo ia nosabat, samian pe'e madi' timbali ko anu daagi' i uno nu Kemah aijo'. De lapasmo na mombau anu bau pomposusi' posi butongnyo, tiba aha salaigan ka' iwi-iwi' na aha bansa Israel,

IMAMAT 16:17 ပူးပေါင်းရင်းမြစ်များ

1 TAWARIKH 6:34

i Elkana, i Yeroham, i Eliel, i Toah,

NOSABATMO 34:3

Boli ko samian anu mombatuki beleyum kabai jojoong mau mule' pa' iya mae na bagian nu bungkutnyo aijo'. To sapi-sapi' ka' to domba-domba boli opojohok mongotot i tengke nu bungkutnyo aijo'.”

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

IMAMAT 16:16

Tiba jalan anu sumo aijo' ia momposusi'mo Salipi' anu Susi' hondo, anu i humimi'anmo nu aha bansa Israel kalana dosa' nu aha iwi-iwi'. Kemah nu Tumpu tionyo ahi' oposusi' kalana ia binau i totonga' nu kemah nu aha bansa Israel ka' kinonamo nu kapahumimi'an nu aha.

IMAMAT 16:18

i Harun tionyo ahi' mosabatmo ka' mambamo i mezbah pompotunuan koloban momposusi' mo mezbah aijo'. Ia tionyo ahi' mongala sangkiding na baso' nu sapi' ka' baso' nu mee', ka' monsapuakon i tanduk haha aijo' opa-opat i pasu'nyo nu mezbah.

LUKAS 1:10

Hau-haunyo mompapui kamangian, mian da'isan binalado'a i sambiha'nyo.

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

1 TIMOTIUS 2:5

Kalana, ola sa'a-sa'angu'nyomo na Tumpu, ka' ola samian na bau ponsumbu'an Tumpu manusia aitumo i Kristus Yesus.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 9:7

Anu minsoop i uno nu kemah anu kiijo' hondo-hondo i unonyo nu kemah aijo', ola Imam Daka'. Ia mombau kalajanyo ola minsan sataun. Aijo' nu kalaja momboa baso' da osombahkon hi Tumpu kalana dosa' nu butongnyo ka' kalana to dosa-dosa' anu madi' sangaja' na binau nu mian anu palesayamo hi Tumpu.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.