IMAMAT 15:31 - KITAB NU TUMPU ALLA LELE MA'IMAI'

³¹ Tumpu nompokaumo i Musa mompo'ingat bansa Israel da sabole-bole monginau' hipian na aha mahumimi' ka' hipian na aha madi'mo mahumimi', da aha madi' mohumimi'i Kemah nu Tumpu anu aijo' i totonga' nu kemah nu aha. De aha mohumimi'i Kemah aijo', aha silakamo.

IMAMAT 15:31 ပူးပေါင်းရင်းမြစ်များ

MAZMUR 66:18

De bisuannyo aku sanang na mompotutugakon kalakuan anu ma'idek, tantumo Tumpu madi' mompotombihing mae.

YEHEZKIEL 23:38

Ka' misa' ola sijo'. Aha suele ahi' nohumimi'imo Laigan-Ku Ka' sinaa nu Sabat anu pinotataap-Kumo aijo'.

YEHEZKIEL 36:17

“O manusia anu madi' tumuu' batu, tempo'nyo aha mian Israel jonojoongmo ilipu' nu aha, palabuatan nu aha nohumimi'imo butong nu aha. Ku anggap na palabuatan nu aha aijo' anu ahi' madi' pantas obau pokakanamo sumo boune anu hau-haunyo tinokamo na adat nu aha boune.

YEHEZKIEL 44:23

To ima-imam tionyo ahi' mongajanakon hi mian anu palesayamo hi belengku da osumbu' na bedanyo iya na anu samata-mata osombahkon hi beleng-Ku ka' iya na anu madi' timbali, iya na anu belesi' susumo koonyo nu agama ka' iya na anu mahumimi'.

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

DANIEL 9:27

Tomundo' aijo' mombaumo palajanjian anu mahoson hondo hi aha mian da'isan, kopinnyo popitu' na taun. Toka ipohintonga'an nu taun aijo' nu tewa'mo na mian anu momboa mae koloban tiba palasombahan. Lapas aijo' hahan anu okabuhuk, anu osanggohi; Palabuatan anu ma'idek lewa-lewa' mohansuni opojoongmo i Laigan nu Tumpu ka' mule' ia tataapmo ikiijo' sampe ia anu nompojoong ikiijo' nu tokaimo mae nu kapatean anu titinantukanmo nu Tumpu hi ia.”

IMAMAT 11:47

Belemiu tionyo ahi' moko ala montoa mosia na pompahasala'annyo anu madi' mahumimi' tiba anu mahumimi', binatang anu timbali okaan ka' binatang anu madi' timbali okaan.

IMAMAT 13:59

Sumo aijo' na to atu-atulannyo mongkona anu nahu'mo anu ohumpak i baju' kabai i hude' kabai laken, kabai pa' apa-apaa anu kilit na binau.

IMAMAT 15:32

Sumo aijo na atulannyo mongkona mo'ane de ko anu mae lumene kalana ko anu masakit i bahagian ka'ambangan.

IMAMAT 19:30

Lame'akon na sinaa nu Sabat ka' o adati na tampat anu tinantukanmo samata-mata bau ponsomban Aku. Akumo na Tumpu.

IMAMAT 20:3

Mian anu mongkolobanakon anaknyo hi Molokh, mohumimi'imo Kemah-Ku ka' mongambangimo sanggong-Ku anu susi'. Ia Ku hukumo ka' madi'mo daagi' Ku posoop mian anu pinalesayamo hi beleng-Ku.

IMAMAT 21:23

Kalana mian aijo' madi' mahoson na butongnyo ia madi' timbali mongohani lalanse' anu pinongoloti Salipi' anu Susi' kabai mezbah. Ia madi' timbali mohumimi'i to bala-balang anu opake samata-mata hi beleng-Ku, kalana Akumo na Tumpu, ka' Akumo na nontantukan balang haha aijo' samata-mata opake bau kapalaluan-Ku.”

NOMBILANGMO 19:13

Mian anu monsala' kanyangmo anu sinilakamo ka' madi' momposusi' butongnyo aijo' mahumimi'mo, kalana ia ma'isa dinudu'an nu uee anu momposusi'. Ia mohumimi'imo Kemah nu Tumpu kalana aijo' ia madi'mo daagi' oposoop mian anu pinalesayamo hi Tumpu Allah.

NOMBILANGMO 19:20

Mian anu nahumimi'mo panyo madi' mombau atulannyo pomposusi' butong tataap mahumimi' kalana ma'isa dinudu'an nu uee anu bau pomposusi'. Ia mohumimi'imo Kemah nu Tumpu ka' madi'mo oposoop mian anu pinalesayamo hi Tumpu Allah.

NOMBILANGMO 5:3

Aha tionyo ahi' osai da mambamo, da madi' mohumimi'i kemah, anu kajojoongan-Ku hingga-hinggat tiba mian anu pinalesayamo hi beleng-Ku.”

1 KORINTUS 3:17

De ko anu mongidei Laigan nu Tumpu, Tumpu suele mongidei mian aijo'. Kalana Laigan nu Tumpu samata-mata ola Tumpu na tumpunyo, ka' laigan aijo' atina'mo komiu.

PO'ULE' INGULIT 24:8

De daagi' ko panyakit kilit anu monsilakai, bau ima-ima' apaa na anu pinalentahkonmo nu to ima-imam Lewi hi belemiu; obatuki na pokinde' iwi-iwi' anu binee'kumo hi aha.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

1 SAMUEL 3:14

Kalana aijo' Ku sumpa'akonmo na aha salaigan i Eli, saba' dosa' nu aha anu talalomo hondo manjoo' aijo' madi'mo opoko ala o'ampuni nu koloban kabai pa' apaa na anu osombahkon sampe toka sidu-sidutu'.”