Tiba jalan anu sumo aijo' beleyum majo'onmo hi to bou-boune anu lewa' masala', ka' sisin na potatae nu bengkele' nu mian sangga'at anu kahanda' monggoda.
Ihumpakkumo taalu' boune lebe mapakat molingkudui kapatean. Pongka'ima'i nu boune sumo buani kabai so'o anu sinadiamo mohakop kaanonnyo. Pontanggogolinyo sumo pompungu anu madodo hondo. Mian anu mombau pongka'oho' nu Tumpu madi' nu kona nu so'o aijo' panyo mian anu baladosa' memang nu hakopmo.
Samian na boune anu hau-haunyo tinokamo na adat nu aha boune, mahumimi'mo pitun sinaa na kopinnyo. Ihe na monsala' kanyang ia mahumimi'mo sangkutnyo sinaa makakinsapmo.
Ihe na monsala' kanyang tampat anu kinamale'annyomo kabai sinuhangannyomo nu boune aijo' anu hau-haunyo tinokamo na adat nu aha boune, tionyo ahi' mombaso'i baju'nyo ka' mindii', ka' ia mahumimi'mo sangkutnyo sinaa makakinsapmo.