IMAMAT 15:13 - KITAB NU TUMPU ALLA LELE MA'IMAI'

¹³ De ma'alinmo na mian aijo', ia tionyo ahi' montanda'i pitun sinaa. Lapas aijo' ia tionyo ahi' mombaso'i baju'nyo ka' mindii' i mata nu uee, sahingga ia belesi'mo.

IMAMAT 15:13 ပူးပေါင်းရင်းမြစ်များ

NOSABATMO 29:35

Mombalakati i Harun ka' to ana-anaknyo tionyo ahi' obau pitung sinaa na kopinnyo, susumo anu pinalentahkon-Kumo hi belemiu.

NOSABATMO 29:37

Bau na aijo' sansina-sinaa pitun sinaa na kopinnyo. Sahingga mezbah aijo' timbalimo susi'; maumo pa' apaa na anu jinadimo bahagian nu mezbah aijo' tionyo ahi' obee'mo hi Tumpu, ka' maumo ihe na soo' mompadis, mohumpak bahaya kalana mahoson hondo na kasusi'annyo.”

YEREMIA 33:8

Ku pobelesi'mo na dosa-dosa' nu aha anu binaumo nu aha hi Belengku; sinin na dosa tiba ka'idekan nu aha Ku ampunimo.

IMAMAT 14:10

Toka i sinaa ko ialunnyo mian aijo' tionyo ahi' momboa ohua' na anak nu domba lakinyo ka' sa'angu' na anak nu domba behenyo umunnyo anu sataunmo, ka' toto sa'angu' madi' ko panyakitnyo. Ka' suele mule' labu totolu na kilogram anu ginalo'anmo nu lanya' zaitun ka' saliten na lanya' nu zaitun anu obagi totolu', sambahagian na oboa mae.

IMAMAT 14:8

Lapas mae mian aijo' tionyo ahi' mombaso'i baju'nyo, ubaknyo o kis iwi-iwi', ka' mindii'mo. Jadi ia belesi'mo, ka' timbalimo minsoop i uno nu kemah, panyo pitun sinaa ia ma'isa timbali minsoop i uno nu posi kemahnyo.

IMAMAT 15:28

De ia nubuntuli nu home aijo' ma'alinmo, boune aijo' tionyo ahi' daagi' montanda'i pitun sinaa na kopinnyo. Lapas aijo' atinaje ka' ia belesi'mo.

IMAMAT 15:5

Ihe na monsala' kanyang mian anu, ko anu i lumene mae aijo' kabai anu kinahoyotannyo aijo', kabai sinumuhang i tampat kinasuhangannyo, kabai anu pinitupe'an nu mian aijo', ia tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

IMAMAT 8:33

Pitun sinaa na kopinnyo belemiu madi' timbali mompala'i Kemah nu Tumpu, sailapa-lapasje na mombalakati beleyum.

IMAMAT 9:1

Salatan ilapasmo na sinaanyo nombalakati aijo', tinokamo i sinaa ko ialunnyomo, i Musa nolagamo i Harun tiba to ana-anaknyo tiba to pola-polaya' nu bansa Israel.

NOMBILANGMO 12:14

Tinaaman nu Tumpu, “De bisuannyo ohupnyo tinupe'an nu tuumanyo, te misa' kopinnyo pitun sinaa na ia tionyo ahi' mongoa'i ambang? Lalin pe'e na ia boli jojoong i kemah kopinnyo pitun sinaa, ka' lapas aijo' timbalije ia minsusule' mae.”

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.