IMAMAT 14:8 - KITAB NU TUMPU ALLA LELE MA'IMAI'

⁸ Lapas mae mian aijo' tionyo ahi' mombaso'i baju'nyo, ubaknyo o kis iwi-iwi', ka' mindii'mo. Jadi ia belesi'mo, ka' timbalimo minsoop i uno nu kemah, panyo pitun sinaa ia ma'isa timbali minsoop i uno nu posi kemahnyo.

IMAMAT 14:8 ပူးပေါင်းရင်းမြစ်များ

2 TAWARIKH 26:21

Sangkutnyo i Tomundo Uzia sinilaka, panyakit aijo' madi'mo kino kapa'alinannyo. Ia pinosi pojoongmo i sa'angu' na laigan ka' madi'mo pinobee' minsoop i Laigan nu Tumpu. Ia madi'mo pinobee' mokalaja salaku tomundo, ka' i Yotamo anaknyo momo'ane na nompalentah salaku wakinnyo.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

NOSABATMO 19:14

Lapas aitu i Musa nintatau'mo mae lengkat i bungkutnyo ka' nompokaumo mian haha aijo' da mosadiamo monsombah. Ia notatae, “Hipuan komiu tionyo ahi' montanda'imo, ka' hau-haunyo uuka aiya belemiu ma'isa timbali moduhus.” Lantas bansa aijo' nontampu'unimo binasadia ka' nombaso'imo hude nu aha.

IMAMAT 14:20

ka' monsombahkon hingga-hinggat tiba koloban kaanon i mezbah. Sumo aijo'mo na imam mombau anu bau pomposusi' hi mian aijo' da ia timbalimo belesi'.

IMAMAT 14:9

I sinaa ko ipitunnyo ia tionyo ahi' mongkismo ubaknyo iwi-iwi', ka' jangkutnyo, bangkulangnyo ka' iwi-iwi' na bulu nu butongnyo. Lantas ia tionyo ahi' mombaso'i baju'nyo ka' mindii' lapas aijo' atina'je ka' ia belesi'mo.

IMAMAT 15:13

De ma'alinmo na mian aijo', ia tionyo ahi' montanda'i pitun sinaa. Lapas aijo' ia tionyo ahi' mombaso'i baju'nyo ka' mindii' i mata nu uee, sahingga ia belesi'mo.

IMAMAT 8:6

Lantas ia nompokaumo i Harun tiba to ana-anaknyo da mambamo mokiita' i ahop ka' mompobelesi'mo butong.

NOMBILANGMO 6:9

De ubaknyo nu mian anu binalaniatmo mokalaja samata-mata hi Tumpu nahumimi'mo kalana ia nati ohanimo hi mian anu monti-montiik ahi' sinilakamo, saba' ia tionyo ahi' montanda'i pitun sinaa na kopinnyo; lapas aijo' ia tionyo ahi' mongkismo ubaknyo ka' jangkutnyo, atina'je ka' ia belesi'mo.

NOMBILANGMO 8:7

sumo uuka na mombau: Paha pipi' na aha nu uee anu bau pomposusi' ka' pokau na aha mongkis songko-songko na butong ka' mombaso'i butong nu aha. Tiba jalan sumo aijo' aha belesi'mo.

PO'ULE' INGULIT 21:12

Boamo na boune aijo' i laigan nu belemiu. Ikiijo' ia tionyo ahi' monggunting ubaknyo, montaibi konukunyo,

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.