IMAMAT 14:7 - KITAB NU TUMPU ALLA LELE MA'IMAI'

⁷ Imam mompipi'akon baso' nu tomonsi' aijo' pimpitun hi mian anu na'alinmo, ka' mompoto'i ia aijo' binelesi'mo. Lantas tomonsi' anu daagi' tumuu' tionyo ahi' opolapas i padang.

IMAMAT 14:7 ပူးပေါင်းရင်းမြစ်များ

2 TOMU-TOMUNDO' 5:10

I Elisa nonsaimo samian na posaihonnyo da mompoto'i sumo uuka hi Naaman, “Lako' na belento Tuan mindi' pimpitun i kaunyo Yordan sahingga belento Tuan ma'alinmo totu-totu'u.”

2 TOMU-TOMUNDO' 5:14

Kalana aijo' nambamo na i Naaman i kaunyo Yordan lantas lako'mo nongkiobakon butongnyo i kaunyo aijo' pinimpitun susumo anu pinokaumo i Elisa. Sahingga na'alinmo na i Naaman. Butongnyo po'ule'mo na'ima' susumo butong nu olitau.

MAZMUR 51:2

salatan ia pinokinde'anmo i Nabi Natan kalana nasala'mo tiba i Batsyeba.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

YESAYA 52:15

Panyo uuka aiya manjoo' na bansa nongkabangangimo, to tomu-tomundo' madi'mo noko ala notatae kalana binangangmo. Aha saidi' mae montoaje ka' mangalati'mo apaa na anu momonanyo mae ma'isa ahi' sinumbu' nu aha.”

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

IMAMAT 13:13

ka' de pinalesamo taalu' panyakit aijo' nolelemo i songko-songko na butong ka' songko-songko na kilitnyo nopute'mo, mian aijo' opoto'i binelesi'mo.

IMAMAT 13:17

da po'ule' mule' opalesa. De kumahut aijo' memang nopute'mo, imam mompoto'imo mian aijo' binelesi'mo.

IMAMAT 14:51

Lantas kau' lontio, kahohon momea', hisop ka' tomonsi' anu daagi' tumuu' tionyo ahi' olobongakon i baso' nu tomonsi' anu kinolotmo ka' hi uee anu belesi'. Lapas mae laigan aijo' tionyo ahi' opipi'imo pimpitun.

IMAMAT 16:14

Lantas i Harun tionyo ahi' mongalamo sangkiding na baso' nu sapi', ka' kangkam nu limanyo mompipi'akonmo baso' aijo' i sasu ahop nu kolopnyo nu Peti' Palajanjian aijo', ka' pimpitun i ahop nu Peti' aijo'.

IMAMAT 16:19

Tiba kangkamnyo aijo' ia tionyo ahi' mompipi'akon sangkiding na baso' aijo' pimpitun mokiijo' i mezbah. Tiba jalan sumo aijo' ia momposusi'mo mezbah kalana kapahumimi'an nu aha bansa Israel, da timbali susi'.

IMAMAT 16:22

Mee' aijo' nomboamo iwi-iwi' na dosa' nu bansa Israel i daerah anu mateges anu madi' ojoongi ka' tionyo ahi' opolapas na ia i padang bola aijo'.

IMAMAT 4:17

Ikiijo' ia tionyo ahi' molobongakon kangkam nu limanyo i baso' aijo' lantas nu pipi'akonmo pimpitun i ahop nu lalanse' anu mongoloti Salipi' Susi'.

IMAMAT 4:6

Lantas ia tionyo ahi' molobongakon kangkam nu limanyo i baso' aijo' ka' mompipi'akon pimpitun i ahop nu lalanse' anu mongoloti Salipi' Susi'.

IMAMAT 8:11

Lanya' aijo' ingalanyo sangkiding ka' pinipi'akonnyo pinimpitun i mezbah ka' iwi-iwi' na posadiaonnyo, ka' suele i tampat pongisian uee ka' paningkokoannyo. Tiba jalan anu sumo aijo' saba' iwi-iwi' aijo' samata-matamo anumo nu Tumpu.

MIKHA 7:19

Belento mongkanonongi mule' kami ka' mongampuni kami. Iwi-iwi' na dosa' mami Nu peja-peja'mo ka' mule' Nu bahetakonmo mokaiyong ilana nu ambai! Kona hi aha mian nu Belento anu palesayamo, lee' mae i Abraham ka' mule' i Yakub! Nu potoamo na ka' ima'an tiba mule' kanonongan nu belento anu madi' ko batasnyo aijo' susumo anu jinanji'mo nu belento hi mompolee' mami daagi' pe'e naipuan mae. 15

NOMBILANGMO 19:12

I sinaa ko itolunnyo ka' ko ipitunnyomo ia tionyo ahi' momposusi'mo butongnyo nu uee anu opake momposusi', atina'je ka' ia belesi'mo. Panyo de toka i sinaa ko itolunnyo ka' ko ipitunnyo ia madi' mompobelesi butongnyo, ia tataap mahumimi'.

YOHANES 19:34

Panyo sihung i Yesus sinusuk nu talombo' nu sala'samian suludadu haha aijo'; balo nosabat na baso' tiba uee.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 12:24

Komiu tokamo mangadap hi Yesus anu Nonjambatanimo da montalimamo palajanjian anu sala'je aijo'; komiu mangadapmo i baso' anu pinipi'akonmo, anu mompokopianimo hahan da lebe ma'ima' molingkuduimo anu pinokopiananmo nu baso' i Habel aijo'.

IBRANI 9:13

Baso' nu mee' ka' sapi' mo'anenyo tiba abu' nu anak nu sapi', anu kinolobanakon, opake da bau pompipi' to mia-mian anu mahenyu susumo koonyo nu atulan nu agama, da aha timbali belesi'.

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.

IBRANI 9:21

Lapas mule' tiba han anu pokakana sumo aijo', i Musa nompipi'akonmo baso' aijo' suele i Kemah nu Tumpu ka' iwi-iwi' na to paka-pakakas anu opake monsombah Tumpu.

IBRANI 9:26

Kalana desumo aitu, aijo' alati'nyo saja' pino'uli-ulit-Nyo na nongoa'i kasansala'an salatanmo pe'e dunia aiya pinotimbali. Panyo bukuti'nyo, uuka aiya i tempo' anu i mihinyomo aiya, Ia tinoka ola ninsan da mompobelesi dosa', aijo'mo nongkolobanakonmo posi butong-Nyo.

1 YOHANES 5:6

I Yesus Kristusmo na anu tinoka i dunia tiba uee pinompalamandikan Ia ka' tiba baso' anu Ia sinilakamo. Ia tinoka misa' ola uee, panyo tiba uee ka' baso'. Ka' posi Roh nu Tumpu Allah na nompoto'i anu sinakisiannyomo tukoonyo memang aijo' totu'u, kalana Roh madi' toho' baleko'.