IMAMAT 14:32 - KITAB NU TUMPU ALLA LELE MA'IMAI'

³² Aijo'mo na atulan mongkona mian anu oposusi' salatan lapasmo na nukona nu panyakit kilit anu monsilakai kona hi mian anu madi' moko ala montanggungi koloban.

IMAMAT 14:32 ပူးပေါင်းရင်းမြစ်များ

MAZMUR 136:23

Ia madi' mongkolilimi kita, tempo'nyo kita pinatundu'mo; kalibosan-Nyo sampe toka sidu-sidutu'.

IMAMAT 13:2

De daagi' ko mian anu kinumalubabangmo kabai kinumahutonmo kabai ninana'mo mopute' i kilitnyo anu timbalimo panyakit kilit anu monsilakai, ia tionyo ahi' oboa hi imam lee' i Harun.

IMAMAT 13:59

Sumo aijo' na to atu-atulannyo mongkona anu nahu'mo anu ohumpak i baju' kabai i hude' kabai laken, kabai pa' apa-apaa anu kilit na binau.

IMAMAT 14:10

Toka i sinaa ko ialunnyo mian aijo' tionyo ahi' momboa ohua' na anak nu domba lakinyo ka' sa'angu' na anak nu domba behenyo umunnyo anu sataunmo, ka' toto sa'angu' madi' ko panyakitnyo. Ka' suele mule' labu totolu na kilogram anu ginalo'anmo nu lanya' zaitun ka' saliten na lanya' nu zaitun anu obagi totolu', sambahagian na oboa mae.

IMAMAT 14:2

mongkona anu obau pompobelesi' de ma'alinmo i panyakit kilit anu monsilakai. Toka i sinaanyo salatan opoto'imo na mian aijo' belesi'mo ia tionyo ahi' momboamo hi imam,

IMAMAT 14:21

De mian aijo' kasiasi ka' madi' moko ala montanggungi koloban saba' koloban bau polugi'i ia timbali momboa ola sa'angu' na anak nu domba lakinyo anu osombahkon obee' hi Tumpu. Ka' mule' sangga'at labu sa'angu' na kilogram ogalo'i nu lanya' zaitun bau koloban kaanon, ka' sa'angu' na liten lanya' zaitun anu obagi totolu' sambagian na obee'.

IMAMAT 14:31

bau koloban pongampuni dosa', ka' sa'angu' mule' sangga'at bau koloban anu opotunu, hingga-hinggat tiba koloban kaanon anu osombahkon. Sumo aijo'mo na imam mombau anu pomposusi' mian aijo' hi ahop nu Tumpu.

IMAMAT 14:33

Tumpu nombee'mo hi Musa ka' hi Harun,

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.